20:43, 17 - ماۋسىم 2025 | GMT +5
ا ق ش- تىڭ 32 ۇشاعى تاياۋ شىعىسقا اتتاندى
استانا. قازاقپارات - ا ق ش اۋە كۇشتەرى جانارماي قۇياتىن 32 ۇشاعىن ەۋروپاعا اتتاندىردى.
Military Watch Magazine باسىلىمىنىڭ دەرەگى بويىنشا گەرمانيا، يسپانيا، يتاليا جانە ۇلى بريتانيا اۋماعىنا ازداپ ايالداعان اۋە كولىكتەرىنىڭ ءبىرازى ارتىنشا تاياۋ شىعىسقا بەت العان. جالپى امەريكانىڭ جويعىش ۇشاقتارى الىس قاشىقتىققا ۇشا المايدى. ولارعا قوسىمشا جانارماي قۇيۋ قاجەت. جانارماي قۇيۋشى ۇشاقتاردىڭ سۋىت اتتانعانى جايىندا بيلىكتىڭ ءوزى ءتىس جارعان جوق.
ايتا كەتەيىك، دونالد ترامپ يرانعا قارسى شابۋىلعا قاتىسىم جوق دەگەنىمەن يزرايلدى قورعاپ وتىر. سوندىقتان ساراپشىلار ا ق ش بۇل ۇشاقتاردى ەۆرەي ارمياسىنا قولداۋ كورسەتۋگە جىبەرۋى مۇمكىن، دەپ توپشىلايدى.
