ا ق ش ترامپ پرەزيدەنتتىگى كەزىندە ايعا قونۋدى جوسپارلاپ وتىر
استانا. KAZINFORM - ا ق ش دونالد ترامپتىڭ پرەزيدەنتتىك مەرزىمى اياقتالعانعا دەيىن، ياعني الداعى ءۇش جارىم جىلدا استروناۆتتاردى ايعا قوندىرعىسى كەلەدى، دەپ حابارلايدى Fox News.
بۇل تۋرالى شون داففي حابارلادى. ول NASA- نىڭ ۋاقىتشا باسشىسى، سونىمەن قاتار كولىك ءمينيسترى قىزمەتىن اتقارىپ جاتىر.
- كەلەسى جىلى، جىلدىڭ باسىندا ءبىز ايعا قايتا بارۋدى جوسپارلاپ وتىرمىز، ءبىز ايعا قونبايمىز، ونى اينالىپ ۇشامىز. ال سودان كەيىن شامامەن ءبىر جىلدان كەيىن ءبىز ايعا قايتا قونامىز. بۇل دونالد ترامپ بيلىكتە بولعان كەزدە بولادى، - دەدى ول Fox News تەلەارناسىنا بەرگەن سۇحباتىندا.
ول سودان كەيىن ولار بازا قۇرىپ، ايدا قالۋدى جوسپارلاپ وتىرعانىن قوسىپ، ال العان بىلىمدەرى ا ق ش- تىڭ مارسقا جەتۋىنە كومەكتەسەتىنىن اتاپ ءوتتى.
بۇعان دەيىن NASA قىزمەتكەرلەرىنىڭ سانى %20- عا قىسقاراتىنى تۋرالى جازعان بولاتىنبىز.
