ا ق ش ۆەتناممەن ساۋدا كەلىسىمىنە قول قويدى
استانا. KAZINFORM - ا ق ش پرەزيدەنتى دونالد ترامپ ۆەتناممەن قول جەتكىزىلگەن ەكى ەل اراسىنداعى ىنتىماقتاستىقتىڭ باستاۋى بولاتىن ساۋدا كەلىسىمىن جوعارى باعالادى، دەپ حابارلايدى Kazinform ءتىلشىسى.
ترامپتىڭ Truth Social باسىلىمىنداعى مالىمدەمەسىنە سايكەس، ۆەتنام امەريكا قۇراما شتاتتارىنا بارلىق تاۋارعا %20 جانە ۆەتنام ارقىلى ترانزيتپەن جەتكىزىلەتىن تاۋارلارعا %40 باج سالىعىن تولەيدى.
ءوز كەزەگىندە ا ق ش ساۋدا سەرىكتەسىنىڭ نارىعىنا تولىق قول جەتكىزە الادى جانە امەريكالىق ونىمدەردى ۆەتنامعا نولدىك باج سالىعىمەن ساتادى.
حانوي ترامپتىڭ جاۋاپ باجدارىنىڭ مەرزىمى اياقتالعانعا دەيىن ا ق ش- پەن كەلىسىم جاساپ ۇلگەردى. الايدا تاراپتار اراسىنداعى كەلىسىمنىڭ ەگجەي-تەگجەيى ازىرگە ايتىلمادى.
امەريكا پرەزيدەنتىنىڭ تاريفتەرى قايتادان كۇشىنە ەنگەنشە، شەت ەلدەر 9- شىلدەگە دەيىن ا ق ش- پەن ساۋدا جانە تاريفتىك كەلىسىمدەر جاساسۋى كەرەك.
ءبىرىنشى كەلىسىم ۇلى بريتانيامەن، كەيىن قىتايمەن جاسالعانى بۇعان دەيىن حابارلانعان بولاتىن.
