ا ق ش تاياۋ شىعىسقا «USS Nimitz» اۋە كەمەسىن جىبەرەدى
استانا. KAZINFORM - ا ق ش اسكەري- تەڭىز كۇشتەرى «USS Nimitz» تاسىمالداۋشىسىن ءۇندى- تىنىق مۇحيتى ايماعىنان تاياۋ شىعىسقا اۋىستىرادى.
بۇل يزرايل مەن يران اراسىنداعى ايماقتىق شيەلەنىسكە بايلانىستى بولىپ وتىر، دەپ حابارلايدى Kazinform اگەنتتىگىنىڭ مەنشىكتى Navy Times باسىلىمىنا سىلتەمە جاساپ.
بۇعان دەيىن وڭتۇستىك قىتاي تەڭىزىندە جوسپارلى وپەراتسيالار جۇرگىزگەن اۋە كەمەسى دەمالىس كۇندەرى مالاككا بۇعازىنان ءوتىپ، تاياۋ شىعىسقا جونەلتىلدى.
قورعانىس مينيسترلىگىنىڭ وكىلى بۇل قادام يزرايلدىڭ 13-ماۋسىمداعى سوققىسىنان كەيىن يزرايل مەن يران زىمىران الماسىپ، ايماقتاعى شيەلەنىستىڭ كۇشەيۋىنە تىكەلەي جاۋاپ ەمەس ەكەنىن اتاپ ءوتتى. بۇل جەتى اي بويى ايماقتا بولعان جانە روتاتسيالاۋعا دايىن «The Carl Vinson Strike Group» شابۋىل توبىن اۋىستىرۋ ءۇشىن جوسپارلانعان ورنالاستىرۋ اياسىندا بولىپ جاتقانىن ايتتى.
ايتا كەتەيىك، يران مەن يزرايل اراسىنداعى ۇزدىكسىز سوققىدان تاعى بىرنەشە ادام قازا تاپتى.
تەگەران يزرايلگە تاعى زىمىران جىبەردى.
ترامپ يزرايل مەن يران اراسىندا بەيبىتشىلىك ورناتۋعا ۋادە بەردى.
