ا ق ش-تاعى جاعداي دۇنيە جۇزىندە شامامەن 84 ميلليون جۇمىس ورنىنا اسەر ەتەدى - ب ۇ ۇ
استانا. KAZINFORM - حالىقارالىق ەڭبەك ۇيىمىنىڭ (ح ە ۇ) بيىلعى جۇمىسپەن قامتۋ جونىندەگى جاڭارتىلعان بولجامى بويىنشا الەمدە 53 ميلليون جۇمىس ورنى اشىلادى، دەپ حابارلايدى ب ۇ ۇ جاڭالىقتارى.
بۇل الدىن الا بولجانعان كورسەتكىشتەن جەتى ميلليونعا از.
دۇنيەجۇزىلىك جۇمىسپەن قامتۋ جانە الەۋمەتتىك بولجام ەسەبىنە سايكەس، جۇمىس ورىندارىنىڭ ءوسۋىنىڭ باياۋلاۋىنا اكەلەتىن نەگىزگى فاكتورلار گەوساياسي شيەلەنىس پەن جاھاندىق ساۋداداعى ۇزىلىستەر. 2025 -جىلى جۇمىسپەن قامتۋدىڭ ءوسۋ
بولجامى %1,7 دان %1,5 عا دەيىن تومەندەدى، بۇل شامامەن جەتى ميلليون قوسىمشا جۇمىس ورنىنا تەڭ.
تومەندەۋ جاھاندىق ج ءى ءو ءوسىمىنىڭ بۇرىنعى %3,2 بولجاممەن سالىستىرعاندا %2,8 عا دەيىن باياۋلاعانىن كورسەتەدى.
حەۇ دۇنيە جۇزىندەگى 71 ەلدە شامامەن 84 ميلليون جۇمىس ورنى ا ق ش-تاعى تۇتىنۋشىلىق سۇرانىسپەن تىكەلەي نەمەسە جاناما بايلانىستى دەپ ەسەپتەيدى. بۇل جۇمىس ورىندارى جانە ولاردان تۇسەتىن كىرىستەر قازىر ساۋدا شيەلەنىستەرىنىڭ كۇشەيۋىنە بايلانىستى بۇزىلۋ قاۋپىنە ۇشىراپ جاتىر.
- جاھاندىق ەكونوميكا ءبىز كۇتكەننەن دە باياۋ ءوسىپ جاتىر، - دەپ ءتۇسىندىردى ح ە ۇ باس ديرەكتورى جيلبەر ۋنگبو. - ەگەر ءبىز گەوساياسي شيەلەنىس پەن ساۋدانىڭ بۇزىلۋى سياقتى ماسەلەلەردى شەشپەسەك، جاھاندىق ەڭبەك نارىعىنا كەرى اسەر كۇشەيەدى.
بايانداما اۆتورلارى سونىمەن قاتار كىرىستەردى بولۋدەگى الاڭداتارلىق تەندەنتسيالارعا نازار اۋدارادى: بۇكىل الەم بويىنشا جۇمىسشىلارعا تۇسەتىن ج ءى ءو ۇلەسى 2014 -جىلعى %53 دان 2024 -جىلى %52,4 عا دەيىن تومەندەدى. ەگەر بۇل ۇلەس وزگەرىسسىز قالسا، 2024 -جىلى جاھاندىق ەڭبەك تابىسى ءبىر تريلليون دوللارعا وسەر ەدى.
بولجامدارعا سايكەس، دۇنيە جۇزىندە ءاربىر ءتورتىنشى جۇمىسشى گەنەراتيۆتى جي ەنگىزۋ ارقىلى جۇمىسىنىڭ وزگەرگەنىن كورە الادى.
