ا ق ش-تا تۇڭعىش قازاق بالاباقشاسى اشىلدى

استانا. KAZINFORM - قازاق بالاباقشاسىنا قىرعىز جانە امەريكالىق وتباسىلار دا بالالارىن بەرە الادى.  امەريكانىڭ كاليفورنيا شتاتىندا العاشقى قازاق بالاباقشاسى اشىلدى، - دەپ حابارلايدى Aikyn.kz «حابار 24» ارناسىنا سىلتەمە جاساپ.

ا ق ش-تا ءبىلىم ورتالىعىن قۇرۋ تۋرالى يدەيا وتانداسىمىز جاننا اتابەكوۆاعا تيەسىلى. ونىڭ ايتۋىنشا، ەندى كرەمني القابىندا تۇرىپ، جۇمىس ىستەيتىن قانداستارىمىز وسكەلەڭ ۇرپاققا ۇلتتىق قۇندىلىقتاردى ءسىڭىرىپ، قازاق ءتىلىن ۇيرەتە الادى.

سونداي-اق بالاباقشاعا قازاقستاننان كەلگەن يمميگرانتتارمەن قاتار قىرعىز جانە امەريكالىق وتباسىلار دا بالالارىن بەرە الادى.