ا ق ش- تا قازاقستاندىق بولۋى مۇمكىن ەكى ادام ۇستالدى

استانا. قازاقپارات – ا ق ش- تا ءىرى كولەمدە كوكاين تاسىمالداۋ ءىسى بويىنشا قازاقستاندىق بولۋى مۇمكىن ەكى ادام ۇستالدى.

تەحاس شتاتىنىڭ چەمبەرس وكرۋگى شەريفى كەڭسەسىنىڭ مالىمەتىنشە، 27-قىركۇيەكتە ارنايى تەرگەۋ ءبولىمى I-10-تاسجولداعى كولىكتى تەكسەرۋ كەزىندە 35 كەلى كوكاين تاپقان. ەسىرتكى كولىككە مۇقيات جاسىرىلعان.

كولىك جۇرگىزۋشىسى - نۇرسۇلتان مۇقتارالى، ال جولاۋشى - مۇحيت دانىبەكوۆ. ولارعا اسا ءىرى كولەمدە ەسىرتكى ساقتادى دەگەن ايىپ تاعىلعان. ەكەۋى دە چەمبەرس وكرۋگىنىڭ تۇرمەسىنە قامالعانى ايتىلادى.

مۇحيتتىڭ اعاسى جومارت دانىبەكوۆ ولار كىناسىز ەكەنىن ايتىپ، مالىمدەمە جاسادى. ونىڭ ايتۋىنشا، مۇحيت پەن ارىپتەسى نۇرسۇلتان - كولىك تاسىمالداۋمەن اينالىساتىن جۇرگىزۋشىلەر. ولار وزدەرى تاسىمالداپ كەلە جاتقان كولىكتە ەسىرتكى بارىن بىلمەگەن.

قازىر ولاردىڭ وتباسىلارى 200 مىڭ دوللار كەپىل اقىسىن جانە ادۆوكات قىزمەتىن تولەۋ ءۇشىن قاراجات جيناپ جاتىر.

«ولار ا ق ش- قا ادال ەڭبەك ەتۋگە كەلدى، بىرەۋدىڭ قىلمىسى ءۇشىن جاپا شەكپەۋى كەرەك. باۋىرىمنىڭ ءۇش كىشكەنتاي قىزى بار، جۇبايى اۋىر ناۋقاس»، - دەدى جومارت دانىبەكوۆ.

Massaget.kz