ا ق ش- تا نەتانياحۋدىڭ ساپارىنا قارسى نارازىلىق اكسياسى ءوتتى
استانا. KAZINFORM - پالەستينانى قولدايتىن بەلسەندىلەر يزرايل پرەمەر-ءمينيسترى بينيامين نەتانياحۋدىڭ بۇگىن ا ق ش- قا جوسپارلانعان ساپارىنا قارسى اق ءۇي الدىندا نارازىلىق اكسياسىن وتكىزدى. بۇل تۋرالى Anadolu حابارلادى.
نارازىلىق بىلدىرۋشىلەر پالەستينا تۋى مەن «يزرايلدى قارۋلاندىرۋدى توقتاتىڭدار»، «پالەستينا جاساسىن!» دەگەن جازۋى بار باننەرلەر ۇستاپ، «پالەستيناعا بوستاندىق!» دەپ ۇرانداتتى.
نارازىلىققا شىققانداردىڭ ءبىرى تۇتقىن كيىمىن كيىپ، نەتانياحۋدىڭ بەت-بەينەسى سالىنعان بەتپەردە تاعىپ شىققان.
دۇيسەنبى، 7-شىلدە كۇنى ا ق ش پرەزيدەنتى دونالد ترامپ پەن بينيامين نەتانياحۋ ۆاشينگتوندا كەزدەسۋ وتكىزەدى. بۇل ترامپ 2025 -جىلدىڭ قاڭتارىندا پرەزيدەنت قىزمەتىنە كىرىسكەلى بەرى ءۇشىنشى كەزدەسۋ بولماق.
اتالعان كەزدەسۋ ماۋسىم ايىندا يزرايل مەن ا ق ش- تىڭ يراننىڭ يادرولىق نىساندارىنا بىرلەسىپ جاساعان شابۋىلى اياسىندا ەكى ەل ءۇشىن «جەڭىستى كەزدەسۋ» نەمەسە «تريۋمفالدى مارش» تۇرىندە وتپەك.
بۇعان دەيىن ا ق ش پرەزيدەنتى دونالد ترامپ يزرايل گازا سەكتورىندا ەكى ايلىق اتىستى توقتاتۋعا قاجەتتى شارتتارمەن كەلىسكەنىن مالىمدەگەن ەدى.
