ا ق ش- تا مەملەكەتتىك قىزمەتكەرلەرگە قويىلاتىن تالاپ وزگەرەدى

استانا. قازاقپارات – ا ق ش- تا مەملەكەتتىك قىزەتكەرلەرگە قويىلاتىن تالاپ وزگەرەدى. ەندى ولار جۇمىسقا قابىلدانسا دا قىزمەتتەن بوساتىلسا دا پرەزيدەنت دونالد ترامپتىڭ ساياسي باعىتىن قانشالىقتى قولدايتىنىنا بايلانىستى بولادى.

بۇل تۋرالى The Wall Street Journal باسىلىمى حابارلادى. ساناۋلى كۇندەردەن كەيىن ياعني مامىردا يلون ماسك قۇراما شتاتتار ۇكىمەتىنىڭ تيىمدىلىگىن ارتتىرۋ اگەنتتىگىنىڭ باسشىلىعىنان كەتپەك. ۇكىمەت ورگاندارىنداعى كادر ساياساتىنا باقىلاۋ جۇرگىزۋ مىندەتى فەدەرالدى كادرلار باسقارماسىنا جۇكتەلەدى.

ءسويتىپ، شەنەۋنىكتەر ءۇشىن دونالد ترامپتىڭ ساياساتىن قولداۋ نەگىزگى كورسەتكىشتەردىڭ بىرىنە اينالادى. جاڭا تالاپ 2026 -جىلدان باستاپ كۇشىنە ەنەدى. وسىعان دەيىن ا ق ش- تا مەملەكەتتىك قىزمەتكەرلەر بىلىكتىلىگى، ىسكەرلىگى مەن كوشباسشىلىق قاسيەتتەرىنە قاراي باعالاناتىن.

24.kz