ا ق ش-تا دۇلەي داۋىلدان قازا تاپقاندار سانى ارتىپ جاتىر

استانا. KAZINFORM – ا ق ش-تا تورنادو سالدارىنان كەم دەگەندە 31 ادام قازا تاپتى، دەپ حابارلايدى BBC.

داۋىل جۇما كۇنى ا ق ش-تىڭ باتىسى مەن وڭتۇستىك-شىعىسىندا بولدى. بيلىك بىرنەشە شتاتتا توتەنشە جاعداي جاريالادى.

قۇربانداردىڭ كوپشىلىگى ميسسۋريدە تىركەلىپ وتىر: 12 ادام سول ايماقتا قايتىس بولدى. كانزاس شتاتىندا 8 ادام قاتتى شاڭدى داۋىل سالدارىنان بولعان ءىرى اپاتتىڭ قۇربانىنا اينالدى.

اركانزاستا ءۇش ادام قازا تاۋىپ، تاعى 32 ادام جاراقات الدى. ميسسيسيپيدە 4 ادام، تەحاستا 4 ادام، وكلاحومادا 1 ادام كوز جۇمدى.

ۇلتتىق اۋا رايى قىزمەتىنە قاراستى كۇن رايىن بولجاۋ ورتالىعىنىڭ مالىمەتىنشە، قازىر ەڭ ۇلكەن قاۋىپ وڭتۇستىك شتاتتارعا ءتونىپ تۇر. تورنادو تاياۋ ساعاتتاردا باتىس فلوريدا مەن دجوردجياعا جەتەدى دەپ كۇتىلۋدە. مەتەورولوگتاردىڭ حابارلاۋىنشا، تورنادو قارقىندىلىعى ازايىپ كەلەدى، ءبىراق كەيبىر شتاتتار ءۇشىن قاۋىپ ءالى سەيىلگەن جوق.

ەسكە سالا كەتەيىك، بۇعان دەيىن ا ق ش اۋەجايىندا American Airlines جولاۋشىلار ۇشاعى ورتەنىپ كەتكەنىن جازعان ەدىك.