ا ق ش- تا ءورت كەزىندە بولعان اتىستان ەكى ءورت ءسوندىرۋشى قازا تاپتى
استانا. KAZINFORM - ا ق ش- تىڭ ايداحو شتاتىندا ءورتتى ءسوندىرۋ كەزىندە بەلگىسىز بىرەۋ ءورت سوندىرۋشىلەرگە وق اتىپ، ەكى قىزمەتكەر قازا تاپتى، تاعى ءبىرى جارالاندى. شابۋىل ۇيىمداستىرعان ادام وقيعا ورنىندا كوز جۇمدى، دەپ حابارلايدى Anadolu.
ءورت ايداحوداعى كەر- د’الەن قالاسىنىڭ جانىنداعى كەنفيلد تاۋى اۋماعىندا ورنالاسقان تابيعي ساياباقتا بەلگىسىز سەبەپپەن تۇتانعان. جالىن 25 ورماندى جەرگە، سونىڭ ىشىندە جاياۋ جانە ۆەلوسيپەد جولدارىنا تاراعان.
وقيعا ورنىنا ءورت سوندىرۋشىلەر جۇمىلدىرىلعان. ءورتتى ءسوندىرۋ بارىسىندا بەلگىسىز ادام ولارعا وق جاۋدىرعان. وقيعا ورنىنا جەرگىلىكتى پوليتسيا كەلگەن.
ايداحو شتاتىنىڭ گۋبەرناتورى برەد ليتتل قازا تاپقانداردى «ەرلىكپەن قازا تاپقان ءورت سوندىرۋشىلەر» دەپ اتاپ، جەرگىلىكتى تۇرعىنداردى وقيعا بولعان اۋماقتان اۋلاق بولۋعا شاقىردى.
كەيىنىرەك ا ق ش- تىڭ ىشكى قاۋىپسىزدىك جونىندەگى ءمينيسترى كريستي نوەم وقيعا ورنىندا قۇقىق قورعاۋ ورگاندارىنىڭ قىزمەتكەرلەرى دە وق استىندا قالعانىن حابارلادى. ايماققا FBI مەن ارنايى ماقساتتاعى SWAT جاساعىنىڭ قوسىمشا بولىمشەلەرى جىبەرىلگەن.
كۋتەنەي وكرۋگىنىڭ شەريفى روبەرت نورريس مالىمدەگەندەي، وپەراتسيا اياقتالعان سوڭ تاۋلى اۋماقتان قارۋلى ەر ادامنىڭ ءمايىتى تابىلعان.
الدىن الا دەرەكتەر بويىنشا، ەكى ءورت ءسوندىرۋشى قازا تاۋىپ، بىرەۋى جارالانعان. ABC News تەلەارناسىنىڭ حابارلاۋىنشا، تەرگەۋ بارىسىندا ادەيى ءورت قويۋ نۇسقاسى دا قاراستىرىلىپ جاتىر.
ايتا كەتەيىك، بۇعان دەيىن يزمير اۋەجايى ورمان ورتىنە بايلانىستى جۇمىسىن ۋاقىتشا توقتاتقانىن جازدىق.
