ا ق ش- تا COVID-19 ەكپەسىنەن باس تارتقان اسكەريلەر قايتا جۇمىسقا قابىلدانىپ جاتىر
ۆاشينگتون. KAZINFORM - ا ق ش قورعانىس ءمينيسترى پيت حەگسەت كوروناۆيرۋسقا قارسى مىندەتتى ۆاكسيناتسيادان باس تارتقانى ءۇشىن جۇمىستان بوساتىلعان اسكەري قىزمەتكەرلەردى قايتا قىزمەتكە الۋ تۋرالى بۇيرىققا قول قويدى. بۇل تۋرالى پەنتاگون رەسمي مالىمدەمە جاسادى، دەپ حابارلايدى انادولى.
ءمينيستردىڭ ايتۋىنشا، قازىرگى ۋاقىتتا پاندەميا كەزىندە ەكپەدەن باس تارتقانى ءۇشىن شەتتەتىلگەن اسكەري قىزمەتكەرلەردىڭ قۇقىقتارىن قورعاۋعا باعىتتالعان قوسىمشا قۇقىقتىق تەتىكتەر ازىرلەنىپ جاتىر.
- ءبىز وسى ساياساتتان زارداپ شەككەن ازاماتتاردىڭ اسكەري مانسابىن قايتا تىكتەۋ ءۇشىن بار كۇشىمىزدى سالۋدامىز، - دەدى پيت حەگسەت.
ايتا كەتەيىك، بيىل 27 -قاڭتاردا ا ق ش پرەزيدەنتى دونالد ترامپ COVID-19 ۆاكسيناتسياسىنان باس تارتقانداردى قايتا قىزمەتكە قابىلداۋ تۋرالى جارلىققا قول قويعان بولاتىن.
