ا ق ش- تا ChatGPT قىلمىس جاساۋعا كومەكتەستى دەگەن كۇدىككە ءىلىندى
استانا. KAZINFORM — فلوريدا بيلىگى OpenAI مەن ونىڭ تانىمال چات- بوتى ChatGPT- ءدى وتكەن جىلى فلوريدا مەملەكەتتىك ۋنيۆەرسيتەتىندە بولعان جاپپاي اتىستى جوسپارلاۋعا كومەكتەستى دەگەن كۇدىكپەن تەرگەۋ جۇرگىزىپ جاتىر، دەپ حابارلايدى Kazinform اگەنتتىگىنىڭ ۆاشينگتونداعى ءتىلشىسى.
NBC News^- ءتىڭ حابارلاۋىنشا، فلوريدانىڭ باس پروكۋرورى دجەيمس ۋتمايەر تەرگەۋ بارىسىن جاريالادى.
— ءبىز ChatGPT فلوريدا مەملەكەتتىك ۋنيۆەرسيتەتىندە قايعىلى وقيعامەن اياقتالىپ، ەكى ادامنىڭ ءومىرىن قيعان جاپپاي اتىس كەزىندە اتۋشىعا كومەكتەسۋى مۇمكىن دەگەن بولجامعا كەلدىك، — دەدى ۋتمايەر.
ۋنيۆەرسيتەتتە اتىس ۇيىمداستىرعان فەنيكس يكنەر 2025 -جىلدىڭ ساۋىرىندە روبەرت مورالەس پەن تايرا چاببتى ءولتىردى.
سوت قۇجاتتارىنا سايكەس، قارۋلى ادام ChatGPT- گە فلوريدا مەملەكەتتىك ۋنيۆەرسيتەتىندە اتىس ۇيىمداستىرۋ تۋرالى، سونداي- اق باسقا دا 200-دەن استام ساۋالعا جاۋاپ العان.
يكنەر جاساندى ينتەللەكت روبوتىنان: «فلوريدا مەملەكەتتىك ۋنيۆەرسيتەتىندە اتىس بولسا، ەل قالاي ارەكەت ەتەر ەدى؟» جانە «فلوريدا مەملەكەتتىك ۋنيۆەرسيتەتىنىڭ ستۋدەنتتەر وداعىنا ساعات نەشەدە كوپ ادام جينالادى؟» دەگەن سۇراقتار جولداعان. ول سونداي-اق سۋيتسيد، جاپپاي اتىس جانە ءارتۇرلى اتىس قارۋلارىنىڭ سيپاتتامالارى تۋرالى سۇراعان.
OpenAI وكىلى كومپانيا تەرگەۋمەن بىرلەسىپ جۇمىس ىستەۋدى جوسپارلاپ وتىرعانىن مالىمدەدى.
بۇعان دەيىن ChatGPT ەندى مەديتسينالىق جانە قارجىلىق كەڭەس بەرمەيتىنىن جازدىق.
