ا ق ش- تا 15 جىلدا العاش رەت سوتتالعان ادام ءولىم جازاسىنا كەسىلدى
استانا. قازاقپارات - 2001-جىلى بۇرىن جۇرگەن قىزىنىڭ اتا-اناسىن بەيسبول تاياقشاسىمەن ولتىرگەنى ءۇشىن سوتتالعان 67 جاستاعى برەد سيگمون ا ق ش- تا سوڭعى 15 جىلدا اتۋ جازاسىنا كەسىلگەن العاشقى ادام بولدى، دەپ حابارلايدى BBC.
سيگموندى جۇما كۇنى جەرگىلىكتى ۋاقىت بويىنشا ساعات 18.00 دەن كەيىن وڭتۇستىك كاروليناداعى تۇزەۋ دەپارتامەنتىنىڭ ءۇش ەرىكتىسى اتىپ تاستادى. ولار ارنايى وقتارى بار مىلتىقتارمەن 5 مەتردەي قاشىقتىقتان كەۋدە تۇسىنا وق اتقان. بارلىق وق ءبىر ۋاقىتتا اتىلدى.
دەپارتامەنت وكىلىنىڭ ايتۋىنشا، ەر ادامنىڭ ءولىم جازاسىنا كەسىلۋ ءساتىن قۇربان بولعانداردىڭ وتباسىنىڭ ءۇش مۇشەسى، سونداي-اق سيگموننىڭ رۋحاني تالىمگەرى كورگەن.
كۋاگەرلەردىڭ ايتۋىنشا، تۇتقىن استىندا قان الۋعا ارنالعان ىدىس تۇرعان ورىندىققا بايلانعان.
شتاتتا ورناتىلعان پروتسەدۋرا اتۋ جازاسىنا كەسىلگەن تۇلعالاردى ۇكىمدى ورىنداۋ كامەراسىندا ورىندىققا بايلاۋدى تالاپ ەتەدى. سودان كەيىن تۇتقىننىڭ جۇرەگىنە نىسانا قويىلىپ، باسىنا قاپ كيگىزىلەدى.
ءولىم جازاسىنا كەسىلمەس بۇرىن سيگمون كۋاگەرلەرگە ءوزىنىڭ سوڭعى سوزدەرىنىڭ «سۇيىسپەنشىلىك ءسوزى جانە مەنىڭ باۋىرلاستارىما ءولىم جازاسىن توقتاتۋعا كومەكتەسۋىنە شاقىرۋ» بولعانىن قالايتىنىن ايتتى. سوڭعى سوزدەن كەيىن ونىڭ باسىنا قاپ كيگىزىلدى.
سيگمون 2001-جىلى ەرلى-زايىپتىلاردى ولتىرگەنى ءۇشىن ءولىم جازاسىنا كەسىلدى. ولتىرىلگەن دەۆيد پەن گلەديس كلارك ونىمەن قارىم-قاتىناسىن ءۇزۋدى شەشكەن قىزدىڭ اتا-اناسى ەدى.
وعان ەلەكترلىك ورىندىقپەن ءولىم جازاسىنا كەسۋ نەمەسە ولىمگە اكەلەتىن ينەكتسيانى تاڭداۋ ۇسىنىلدى. ونىڭ ادۆوكاتتارى ەر ادام وسى ەكى ءادىستىڭ تيىمدىلىگىنە كۇماندانعاندىقتان ءولىم جازاسىن تاڭداعانىن ايتتى.
سيگمون ا ق ش- تا 2010-جىلدان بەرى اتۋ جازاسىنا كەسىلگەن العاشقى ادام جانە ەل 1972-جىلدان 1976-جىلعا دەيىن بولعان ءولىم جازاسىناءموراتوريدى الىپ تاستاعاننان بەرى ءتورتىنشى ادام بولدى.
ايتا كەتەيىك، جاپونيادا 36 ادامدى ورتەپ جىبەرگەن كۇدىكتى ءولىم جازاسىنا كەسىلەتىن بولدى.
