ا ق ش ستۋدەنتتەرگە ۆيزا بەرۋ ءتارتىبىن وزگەرتپەك
استانا. استانا. KAZINFORM - ا ق ش پرەزيدەنتى دونالد ترامپتىڭ اكىمشىلىگى ۇمىتكەرلەردىڭ الەۋمەتتىك جەلىلەرىن تەكسەرۋدى كەڭەيتۋ ماسەلەسىن قاراستىرىپ جاتقاندىقتان ا ق ش- تا ستۋدەنتتىك ۆيزا الۋ ءۇشىن جاڭا سۇحباتتاردى ۋاقىتشا توقتاتۋدى بۇيىردى، دەپ حابارلايدى DW اقپارات اگەنتتىگى.
Deutsche Welle ءنىڭ جازۋىنشا، بۇل تۋرالى رەداكسيانىڭ قولىنا تۇسكەن قۇجاتقا سىلتەمە جاساپ Politico باسىلىمى حابارلادى.
تىلشىلەردىڭ مالىمەتىنشە، اق ءۇي ىقتيمال شارا رەتىندە ا ق ش- تا ءبىلىم العىسى كەلەتىندەردىڭ بارلىعىنىڭ الەۋمەتتىك جەلىلەرىن مىندەتتى تۇردە تەكسەرۋدى قاراستىرىپ وتىر. اتاپ وتىلگەندەي، بۇل قولدانىستاعى شارالاردى «ايتارلىقتاي كەڭەيتۋ» بولادى.
- وسىنداي تەكسەرىستەردى ەنگىزۋگە دايىندىق اياسىندا اكىمشىلىك ا ق ش ەلشىلىكتەرى مەن كونسۋلدىقتارىنا ستۋدەنتتىك ۆيزاعا ۇمىتكەرلەرمەن اڭگىمەلەسۋ شارالارىن جوسپارلاۋدى توقتاتۋدى بۇيىردى، - دەپ جازدى Politico.
ءتيىستى جەدەلحاتقا 27-مامىر، سەيسەنبى كۇنگى ا ق ش مەملەكەتتىك حاتشىسى ماركو رۋبيو قول قويعانى ايتىلدى.
ەسكە سالا كەتسەك، گارۆارد ۋنيۆەرسيتەتى 22 - ساۋىردە ا ق ش- تىڭ فەدەرالدىق سوتىنا ۋنيۆەرسيتەت باعدارلامالارىنا بولىنگەن 2 ميلليارد دوللاردان استام ۇكىمەتتىك قارجىلاندىرۋدى توقتاتقان ترامپ اكىمشىلىگىنە قارسى شاعىم ءتۇسىردى.
بۇعان دەيىن سوت شەتەلدىك ستۋدەنتتەر ءۇشىن كۇرەستە ۋنيۆەرسيتەتتى قولداعانىن جازعان بولاتىنبىز.
