ا ق ش سەناتورى كوري بۋكەر پرەزيدەنتتىككە ۇمىتكەر بولۋى مۇمكىن ەكەنىن مالىمدەدى
استانا. KAZINFORM - نيۋ-دجەرسي شتاتىنان شىققان سەناتور كوري بۋكەر جەكسەنبى كۇنى 2028 -جىلى پرەزيدەنتتىككە ۇمىتكەر بولۋى مۇمكىن ەكەنىن مالىمدەدى، دەپ حابارلايدى Kazinform اگەنتتىگىنىڭ ۆاشينگتونداعى ءتىلشىسى.
NBC News ارناسىنىڭ «باسپا سوزبەن كەزدەسۋ» باعدارلاماسىندا بۋكەر پرەزيدەنتتىككە ۇمىتكەر بولۋى مۇمكىن ەكەنىن ايتتى.
بۇعان دەيىن، اقپان ايىندا، بۇرىنعى دەموكراتيالىق ۇلتتىق كوميتەتتىڭ ءتوراعاسى دجەيمي حارريسون جۇرگىزەتىن پودكاستتا سەناتور 2028 -جىلى قايتادان پرەزيدەنتتىككە ۇمىتكەر بولاتىنىن ايتتى.
بۋكەر 2013 -جىلدان بەرى سەناتتا قىزمەت ەتىپ كەلەدى جانە بۇعان دەيىن 2020 -جىلعى سايلاۋدا پرەزيدەنتتىككە ۇمىتكەر بولعان، ءبىراق قاڭتاردىڭ باسىندا سايلاۋالدى ناۋقانىن جالعاستىرۋعا قاراجاتتىڭ جەتىسپەۋشىلىگىن ايتىپ، دەموكراتيالىق پارتيانىڭ پرايمەريزىنەن باس تارتتى. ۆيتسە-پرەزيدەنت دجو بايدەن اقىرىندا دەموكراتيالىق پارتيانىڭ پرايمەريزىندە جەڭىسكە جەتىپ، پرەزيدەنت بولدى. بۋكەر پرەزيدەنت دونالد ترامپقا قارسى وتكىر سىنىمەن جۇرتشىلىق نازارىن اۋداردى.
وتكەن اپتادا بۋكەر ءوزىنىڭ جاڭا كىتابىن شىعاردى، ونى بۇكىل ەل بويىنشا كىتاپ تۋرىمەن ناسيحاتتاپ جاتىر. بۇل ونىڭ 2028 -جىلى قايتادان پرەزيدەنتتىككە ۇمىتكەر بولۋى مۇمكىن دەگەن بولجامداردىڭ قايتالانۋىنا سەبەپ بولدى.
بۇعان دەيىن دەموكراتتاردىڭ ا ق ش-تاعى رەسپۋبليكاشىلدار باسىم داۋىسپەن فلوريدا شتاتىندا جەڭىسكە جەتكەنى حابارلانعان بولاتىن.
اۆتور
ەركەجان سماعۇلوۆا
