ا ق ش، قىتاي جانە رەسەي الەمدەگى اسكەري الەۋەتى ەڭ جوعارى ەلدەر - ساراپشىلار

استانا. KAZINFORM - الەمدە اسكەري قاقتىعىستار كوبەيدى. سونىمەن قاتار، كوپتەگەن ءىرىلى-ۇساقتى اسكەري قاقتىعىستارعا قاراماستان، اسكەري سالادا شىعىندار، ادامنىڭ قاتىسۋى جانە تەحنولوگيانىڭ دامۋى تۇرعىسىنان كوزگە كورىنبەيتىن وزگەرىستەر بولىپ جاتىر، دەلىنگەن ەكونوميكا جانە بەيبىتشىلىك ينستيتۋتىنىڭ (IEP) «ميليتاريزاتسياداعى زاماناۋي ترەندتەر» بايانداماسىندا.

ەسەپكە سايكەس، اسكەري شىعىندار ابسوليۋتتى تۇردە وسكەنىمەن، ونىڭ ج ءى و ۇلەسى قىرعي-قاباق سوعىستىڭ شارىقتاۋ شەگىندە شامامەن جارتىسىنا دەيىن تومەندەدى. سونداي-اق، اسكەري تەحنيكانىڭ ۇلعايۋىمەن ءبىر مەزگىلدە اسكەرلەر سانى ازايىپ كەلەدى، بۇل تەحنولوگياعا تاۋەلدىلىكتىڭ ارتىپ كەلە جاتقانىن كورسەتەدى.

باياندامادا بۇل تەندەنسيالار قاقتىعىستار سانى 59-عا جەتىپ، ەكىنشى دۇنيەجۇزىلىك سوعىستان بەرگى ەڭ جوعارى كورسەتكىشكە جەتكەننەن كەيىن بولعانى ايتىلعان. 92 مەملەكەت ءوز اۋماعىنان تىس قاقتىعىستارعا قاتىستى. ءىرى دەرجاۆالار اراسىنداعى باسەكە كۇشەيىپ، ورتا دەرجاۆالار دا كۇشەيە تۇسكەن.

شەشىلمەگەن قاقتىعىستار سانى دا ەكىنشى دۇنيەجۇزىلىك سوعىستان كەيىنگى ەڭ جوعارى دەڭگەيدە، بۇل ۇلكەن قاقتىعىستار ىقتيمالدىعىن ارتتىرادى.

اسكەري مۇمكىندىگى جوعارى ەلدەر

ا ق ش اسكەري مۇمكىندىگى بويىنشا ەڭ جوعارى كورسەتكىشكە يە، قىتايدان الدەقايدا الدا. ال رەسەي ءۇشىنشى ورىندا، قىتايدان ءسال عانا ارتتا.

اۆتور

ەركەجان سماعۇلوۆا