ا ق ش پەن يران اراسىنداعى كەلىسسوزدەرگە قاتىساتىن دەلەگاتسيا باسشىلارى بەلگىلى بولدى

استانا. قازاقپارات - 12-ساۋىردە وتەتىن ا ق ش پەن يران اراسىنداعى كەلىسسوزدەردى ا ق ش پرەزيدەنتىنىڭ تاياۋ شىعىس بويىنشا ارنايى وكىلى ستيۆەن ۋيتكوفف پەن يراننىڭ سىرتقى ىستەر ءمينيسترى ابباس اراكچي باسقارادى. بۇل تۋرالى The New York Times باسىلىمى دەرەككوزدەرگە سىلتەمە جاساپ حابارلادى.

باسىلىم اقپاراتى بويىنشا، ەكى جوعارى لاۋازىمدى يراندىق ديپلوماتپەن 2015 -جىلى يادرولىق كەلىسسوزدەرگە قاتىسقان بۇرىنعى يراندىق ديپلومات سەيەد حوسسەين مۋسساۆياننىڭ ايتۋىنشا، كەلىسسوزدەر سەنبى كۇنى وتەدى.

گازەت دەرەككوزدەرى يراننىڭ رۋحاني كوشباسشىسى اياتوللا ءالي حامەنەيدىڭ ا ق ش-پەن كەلىسسوزدەرگە قاتىستى ۇستانىمىنىڭ وزگەرگەنىن دە اتاپ وتكەن. ولاردىڭ ايتۋىنشا، 7-ساۋىردە ا ق ش پرەزيدەنتىنىڭ سويلەگەن سوزىنەن كەيىن حامەنەي تىكەلەي كەلىسسوزدەرگە بارۋعا دايىن بولۋى مۇمكىن.

ەگەر 12-ساۋىردە وتەتىن جاناما كەلىسسوزدەر ءوزارا قۇرمەت پەن تيىمدىلىك جاعدايىندا وتسە، تاراپتار بولاشاقتا تىكەلەي ديالوگقا كوشەتىنىن جوققا شىعارمايدى.

بۇعان دەيىن حابارلاعانىمىزداي، دونالد ترامپ ا ق ش-تىڭ يرانمەن تىكەلەي كەلىسسوز جۇرگىزىپ جاتقانىن مالىمدەپ، 12-ساۋىردە وتەتىن ماڭىزدى كەزدەسۋ تۋرالى جاريالادى.

اۆتور

ەلميرا ورالبايەۆا