ا ق ش پەن ورتالىق ازيا ەلدەرى «Business 5+1» پلاتفورماسىن ىسكە قوسىپ جاتىر

ا ق ش، قازاقستان، قىرعىزستان، تاجىكستان، تۇرىكمەنستان جانە وزبەكستان «س5+1» ىنتىماقتاستىعى اياسىندا «ۆ5+1» بيزنەس-پلاتفورماسىن ىسكە قوسۋدا. Kazinform اگەنتتىگىنىڭ ءتىلشىسى بۇل تۋرالى ا ق ش مەملەكەتتىك دەپارتامەنتىنە سىلتەمە جاساپ حابارلايدى.

جاڭا باستاما اياسىندا وڭىرلىك ەكونوميكالىق ينتەگراتسيا مەن رەفورمالاردى دامىتۋ، مەملەكەتتىك- جەكەمەنشىك ديالوگ، يننوۆاتسيالار مەن ايماق ەلدەرىنە شەتەلدىك ينۆەستيتسيا تارتۋ ارقىلى ەكونوميكالىق قاۋىپسىزدىككە باسا نازار اۋدارىلادى.

حابارلانعانداي، جاڭا بيزنەس-پلاتفورما اياسىنداعى العاشقى كەزدەسۋ 2024 -جىلى الماتىدا وتەدى.

بۇعان دەيىن حالىقارالىق جەكە كاسىپكەرلىك ورتالىعى جانىنداعى ەسەپتى ينۆەستيتسيالار ورتالىعىنىڭ ديرەكتورى ەريك حونتتس ورتالىق ازيا - الەمدە تابىس دەڭگەيى ورتاشا، تولىق كاپيتالداندىرىلماعان ايماقتاردىڭ ءبىرى ەكەنىن اتاپ ءوتتى.

وسىعان بايلانىستى ناقتى ينفراقۇرىلىمعا ينۆەستيتسيا تارتۋ، الماتى، بىشكەك، تاشكەنت جانە ت. ب. سياقتى حالىق تىعىز ورنالاسقان قالالار ارقىلى تەمىرجول جانە اۆتوموبيل قاتىناسى قاجەت.

«B5+1» بيزنەس باستاماسى - وڭ قادامداردىڭ ءبىرى، وندا قۇراما شتاتتار ايماققا ەكونوميكالىق ينتەگراتسياعا قول جەتكىزۋگە كومەكتەسۋدە جەتەكشى ءرول اتقارا الادى.

بيىلعى جىلدىڭ قىركۇيەگىندە نيۋ-يوركتەگى ب ۇ ۇ باس اسسامبلەياسىنىڭ 78-سەسسياسىندا وتكەن «س5+1» سامميتى بارىسىندا ا ق ش پرەزيدەنتى دجو بايدەن ەكونوميكالىق ىنتىماقتاستىق سالاسىندا «س5+1» شەڭبەرىندە جاڭا بيزنەس- پلاتفورمانىڭ قۇرىلعانىن مالىمدەدى.