ا ق ش باعانى تومەندەتۋ ءۇشىن وڭتۇستىك كورەيا مەن تۇركيادان جۇمىرتقا يمپورتتاي باستادى
استانا. KAZINFORM - ا ق ش باعانى تومەندەتۋ ءۇشىن وڭتۇستىك كورەيا مەن تۇركيادان جۇمىرتقا يمپورتتايدى. بۇل تۋرالى جۇما كۇنى ا ق ش-تىڭ اۋىل شارۋاشىلىعى ءمينيسترى برۋك روللينز مالىمدەدى، دەپ حابارلايدى شينحۋا.
ونىڭ ايتۋىنشا، ەكى ەلدەن يمپورتتاۋ پروتسەسى قازىردىڭ وزىندە باستالعان، سونداي-اق باسقا مەملەكەتتەرمەن جەتكىزىلىمدەر بويىنشا كەلىسسوزدەر جۇرگىزىلىپ جاتىر.
- بۇل قىسقا مەرزىمدە جۇزدەگەن ميلليون جۇمىرتقانى قامتيدى، - دەپ اتاپ ءوتتى مينيستر.
الدىن الا دەرەكتەرگە سايكەس، ا ق ش-تاعى تۇتىنۋشىلىق سەنىم يندەكسى، ميچيگان ۋنيۆەرسيتەتىنىڭ ەسەبى بويىنشا، ناۋرىز ايىندا 57,9 پۋنكتكە دەيىن تومەندەدى. بۇل 2022 -جىلدىڭ قاراشاسىنان بەرگى ەڭ تومەنگى كورسەتكىش، ينفلياتسيانىڭ ءوسۋى مەن جۇمىرتقا باعاسىنىڭ ۇزاق ۋاقىت بويى قىمباتتاۋىنان تۋىنداعان.
بۇعان دەيىن ا ق ش پرەزيدەنتى دونالد ترامپ كونگرەسستە ينفلياتسيامەن كۇرەس جوسپارى تۋرالى ايتقان بولاتىن.
