ا ق ش اۋەجايدا تەكسەرىس كەزىندە جولاۋشىلارعا اياق كيىمدەرىن شەشپەۋگە رۇقسات ەتەدى
استانا. KAZINFORM - ا ق ش كولىك قاۋىپسىزدىگى باسقارماسى بۇل ءتارتىپ ەنگىزىلگەنىنە 20 جىل وتكەن سوڭ ەلدەگى كوپتەگەن ءىرى اۋەجايلارداعى تەكسەرىس كەزىندە جولاۋشىلارعا اياق كيىمدەرىن شەشپەي-اق قويۋعا رۇقسات بەرۋدى جوسپارلاپ وتىر، دەپ حابارلايدى ABC News.
اگەنتتىك مالىمەتىنشە، ۆەدومستۆونىڭ بىرنەشە اۋەجاي باسشىلارىنا جولداعان جادىناماسىندا جاڭا ەرەجەنىڭ 13-شىلدەدە جۇزەگە اسىرىلاتىنى ايتىلعان. سونىمەن قاتار، بۇل شارانى ا ق ش-تىڭ بارلىق اۋەجايىندا كەزەڭ-كەزەڭىمەن ەنگىزۋ باستى ماقسات ەكەنى اتاپ وتىلگەن. مەتال ىزدەۋشى جاقتاۋلار ىسكە قوسىلماي قالعان جاعدايدا عانا اياق كيىم شەشۋ تالاپ ەتىلەدى.
بارلىق جولاۋشىعا اياق كيىمدەرىن شەشۋ تالابى 2006 -جىلى ەنگىزىلگەن. بۇل پاريجدەن ماياميگە ۇشىپ بارا جاتقان American Airlines ۇشاعىنىڭ بورتىنداعى لاڭكەستىك ارەكەتتەن بەس جىل وتكەن سوڭ باستالدى. قىلمىسكەر جارىلعىش زاتتى اياق كيىمىنە جاسىرىپ، كابيناعا كىرگىزگەن، ءبىراق ونى ىسكە قوسا الماعان. 2011 -جىلى اياق كيىمدى تەكسەرۋ ەرەجەلەرى 12 جاسقا دەيىنگى بالالار مەن 75 جاستان اسقان ەرەسەكتەر ءۇشىن جەڭىلدەتىلدى.
بۇعان دەيىن Boeing اۋە اپاتتارى، قىزمەتكەرلەردىڭ نارازىلىعىنا بايلانىستى بەدەلىنىڭ تومەندەۋى جانە قارجىلىق قيىندىقتارعا بايلانىستى داعدارىستى باستان كەشىرىپ جاتقانى حابارلانعان.
ايتا كەتەلىك تۇرىك اۆياكومپانيالارى شىدامسىز جولاۋشىلارعا ايىپپۇل سالاتىنى تۋرالى جازعان ەدىك.
