ا ش م قىتايدىڭ درون وندىرۋشىلەرىمەن جانە ەت قاۋىمداستىعىمەن ىنتىماقتاستىق ورناتپاق
استانا. KAZINFORM - استانادا 500 دەن استام قاتىسۋشىنىڭ، ونىڭ ىشىندە 50 ءىرى قىتايلىق كومپانيانىڭ باسىن قوسقان قازاقستان-قىتاي ىسكەرلىك كەڭەسىنىڭ 7-وتىرىسى اياسىندا اۋىل شارۋاشىلىعى سالاسىنداعى ەكى مەموراندۋم جاسالدى.
قازاقستان رەسپۋبليكاسىنىڭ اۋىل شارۋاشىلىعى مينيسترلىگى مەن Suzhou Eavision RoboticTechnologies Co اراسىندا تەحنيكالىق ىنتىماقتاستىق تۋرالى قۇجاتقا قول قويىلدى.
بۇل جوعارى تەحنولوگيالىق ءوندىرىس كاسىپورنى ينتەللەكتۋالدى ۇشقىشسىز ۇشۋ اپپاراتتارىن جانە كۇردەلى سىرتقى ورتالارعا جارامدى ينتەللەكتۋالدى روبوتتاردى ازىرلەۋگە جانە وندىرۋگە ارنالعان. Eavision ينتەللەكتۋالدى ماشينالارى، جابدىقتارى مەن باعدارلامالىق قامتاماسىز ەتۋلەرى كوپتەگەن سالالاردا، سونىڭ ىشىندە اۋىل شارۋاشىلىعىندا قولدانىلادى.
كومپانيامەن كەلىسىم وسىمدىكتەردى قورعاۋعا ارنالعان ينتەللەكتۋالدى ۇشقىشسىز ۇشاقتاردى ەنگىزۋدى قاراستىرادى. مۇنداي قۇرال-جابدىقتاردى پايدالانۋ وسىمدىكتەردى قورعاۋ شارالارىنىڭ، سونداي-اق جالپى اۋىل شارۋاشىلىعى ءوندىرىسىنىڭ تيىمدىلىگىن ارتتىرادى.
سونداي-اق قىتاي ەت قاۋىمداستىعىمەن تەحنيكالىق الماسۋ جانە ەت ونەركاسىبىندەگى ىنتىماقتاستىق تۋرالى نەگىزدەمەلىك كەلىسىمگە قول قويىلدى. قۇجات قازاقستان مەن قىتاي اراسىنداعى ءوزارا ءىس- قيمىلدى تەرەڭدەتۋگە، ءونىم ساپاسىن جاقسارتۋ جانە ەكى ەل اراسىنداعى تاۋار اينالىمىن ارتتىرۋ ءۇشىن ەت ونەركاسىبىندەگى تەحنولوگيالارمەن الماسۋعا باعىتتالعان.
قىتاي ەت قاۋىمداستىعى - قۇرامىنا ەت ونەركاسىبى كاسىپورىندارى، مەملەكەتتىك مەكەمەلەر، ق ح ر قوعامدىق ۇيىمدارى كىرەتىن ۇلتتىق قوعامدىق ۇيىم. CMA مۇشەلىگى مال شارۋاشىلىعى، سويۋ، ەت وڭدەۋ، ەت توڭازىتقىش تىزبەگىنىڭ لوگيستيكاسى، ەت يمپورتى مەن ەكسپورتى، ەت ونەركاسىبىنە ارنالعان ماشينالار مەن جابدىقتار، ەت جانە ەت ونىمدەرىنىڭ ينگرەديەنتتەرى، ەت جانە ەت ونىمدەرىنە ارنالعان قاپتاما ماتەريالدارى، سونداي-اق ينستيتۋتتار مەن كوللەدجدەر، پروۆينتسيالىق جانە مۋنيتسيپالدىق تاماق كومپانيالارى، وڭىرلىك ەت قاۋىمداستىقتارى سياقتى ەت ونەركاسىبىنىڭ بارلىق تىزبەگىن قامتيدى.
ايتا كەتۋ كەرەك، بۇل سەرىكتەستىك كەلىسىمدەرى ەكىجاقتى قارىم-قاتىناستاردى نىعايتۋعا، اگرارلىق سەكتورداعى ىسكەرلىك بايلانىستى ارتتىرۋعا جانە اۋىل شارۋاشىلىعىنىڭ يننوۆاتسيالىق دامۋىن ىنتالاندىرۋعا ىقپال ەتەدى.
