ا ش م: كارتوپ قورى ىشكى قاجەتتىلىكتى تولىق قامتاماسىز ەتۋگە جەتكىلىكتى

استانا. KAZINFORM - پرەمەر-ءمينيستردىڭ تاپسىرماسى بويىنشا اۋىل شارۋاشىلىعى، ساۋدا جانە ينتەگراتسيا مينيسترلىكتەرى ەلدەگى كارتوپ نارىعىنداعى قالىپتاسقان احۋالعا تۇراقتى تۇردە باقىلاۋ جۇرگىزىپ جاتىر.

картоп
Фото: pexels.com

ۇكىمەتتىڭ باسپا ءسوز قىزمەتى حابارلاعانداي، كورشى ەلدەردىڭ، اسىرەسە وزبەكستان تاراپىنان سۇرانىستىڭ ارتۋىنا جانە ەكسپورتتىق باعانىڭ جوعارى بولۋىنا بايلانىستى بيىل كارتوپ ەكسپورتى 1,5 ەسەگە، ياعني 411 مىڭ توننادان 605 مىڭ تونناعا دەيىن ءوستى. كارتوپقا دەگەن اسا جوعارى سۇرانىس ىشكى نارىققا اسەر ەتكەنى اتاپ ءوتىلدى. ماسەلەن، سوڭعى اپتادا ەكسپورتقا باعىتتالعان وندىرۋشىلەر اراسىندا باعانىڭ كۇرت ءوسۋى (170 تەڭگەدەن 270 تەڭگەگە دەيىن) تىركەلدى.

وسىعان بايلانىستى، ىشكى نارىقتاعى كارتوپ باعاسىن تۇراقتاندىرۋ ماقساتىندا 2025-جىلعى 18-قاڭتاردا وتكەن ساۋدا قىزمەتى ماسەلەلەرى جونىندەگى ۆەدومستۆوارالىق كوميسسيا وتىرىسىندا كارتوپتى ءۇشىنشى ەلدەرگە اكەتۋدى 6 اي مەرزىمگە شەكتەۋ تۋرالى شەشىم قابىلداندى. بۇل شارا ە ا ە و ەلدەرىنە قولدانىلمايدى، الايدا بۇل باعىتتاعى ەكسپورتقا باقىلاۋ جۇرگىزىلەدى. سونىمەن قاتار قالىپتاسقان جاعدايدى ەسكەرە وتىرىپ، بيىلعى 16-قاڭتاردا ەكسپورتقا فيتوسانيتاريالىق سەرتيفيكاتتار بەرۋ تولىعىمەن توقتاتىلدى.

قابىلدانعان شارالار كارتوپ باعاسىنىڭ تۇراقتىلىعىن قامتاماسىز ەتۋگە، باعانىڭ نەگىزسىز وسۋىنە جول بەرمەۋگە جانە نارىققا قاتىسۋشىلار تاراپىنان الىپساتارلىق ارەكەتتەرگە جول بەرمەۋگە باعىتتالعان.

سونداي-اق ساۋدا جانە ينتەگراتسيا مينيسترلىگىنىڭ اۋماقتىق ورگاندارى مونوپولياعا قارسى ورگاننىڭ اۋماقتىق بولىمشەلەرىمەن بىرلەسە وتىرىپ، جاعدايعا كۇشەيتىلگەن قاداعالاۋ جۇرگىزەدى جانە ساۋدا قىزمەتى ماسەلەلەرى بويىنشا قولدانىستاعى زاڭنامانى بۇزعان جاعدايدا ولار نارىققا قاتىسۋشىلارعا شۇعىل ىقپال ەتۋ شارالارىن قابىلدايدى.

ق ر ا ش م دەرەكتەرى بويىنشا، بۇگىنگى تاڭدا قولدا بار قورلار 2025-جىلعى ەرتە ەگىن جيناۋ ناۋقانىنا دەيىن ىشكى قاجەتتىلىكتى تولىق جابۋ ءۇشىن جەتكىلىكتى. 19-قاڭتارداعى جاعداي بويىنشا قورلار ساۋدا جەلىلەرىندەگى قورلاردى ەسەپكە الماعاندا 850 مىڭ توننادان اسادى (كارتوپ وسىرۋشىلەر قاۋىمداستىعى بويىنشا 600 مىڭ توننا، تۇراقتاندىرۋ قورلارىنداعى 68 مىڭ توننا، جەكە قوسالقى جانە شاعىن شارۋاشىلىقتارداعى جەرتولەلەردە 200 مىڭ توننادان استام).

ايتا كەتەيىك، 2024-جىلى كارتوپتىڭ جالپى ءونىمى 2,9 ميلليون توننا بولدى (ونىڭ ىشىندە ەرتە ءونىم - 300 مىڭ توننا). 2024-جىلى يمپورت 56 مىڭ تونناعا جەتتى.

نارىققا تاراتۋ ءۇشىن كارتوپتىڭ كولەمى 2024 -جىلدىڭ تامىز ايىنان باستاپ 2,6 ميلليون توننانى قۇرايدى، حالىقتىڭ جالپى قاجەتتىلىگى - 1,5 ميلليون توننا (ونىڭ ىشىندە قالالىق 954 مىڭ توننا) ەرتە ەگىن جيناۋ ناۋقانىنا دەيىن (قاڭتار-ءساۋىر).

2024-جىلعى تامىزدان جەلتوقسانعا دەيىن - 844 مىڭ توننا، ەكسپورتتالدى - 620 مىڭ توننا (2024-جىلعى قاڭتاردان جەلتوقسانعا دەيىن).

2025-جىلعا ارنالعان بولجامدى تۇتىنۋ كولەمى (قاڭتار-ءساۋىر) - 675 مىڭ توننا.

بۇعان دەيىن اقتوبە اكىمدىگى كارتوپ باعاسىنىڭ كوتەرىلۋ سەبەبىن تۇسىندىرگەن ەدى.

سوڭعى جاڭالىقتار