18:22, 15 - ءساۋىر 2022 | GMT +5
نۇر-سۇلتاندا ەر ادام 9 كولىكتىڭ تەرەزەسىن سىندىردى
نۇر- سۇلتان. قازاقپارات - ەلوردادا ەر ادام كوپ قاباتتى ءۇيدىڭ اۋلاسىندا تۇرعان بىرنەشە كولىكتىڭ تەرەزەسىن سىندىردى.

بۇل تۋرالى نۇر- سۇلتان قالاسى پوليسيا دەپارتامەنتىنىڭ باسپا ءسوز قىزمەتىنەن مالىمەت تاراتتى، دەپ حابارلايدى قازاقپارات ءتىلشىسى.
«نۇر-سۇلتان قالاسىندا ەر ادام ءتۇن ۋاقىتىندا ءبىرجان سال كوشەسىندە تۇرعان بىرنەشە اۆتوكولىكتىڭ تەرەزەسىن شاققان. پوليسيا قىزمەتشىلەرى ءىزىن سۋىتپاي ەكىباستۇز قالاسىنىڭ 40 جاستاعى تۇرعىنىن ۇستادى. ول وسى اۋلادا پاتەر جالداپ تۇرىپ جاتقانى انىقتالدى. ءوزىنىڭ ايتۋىنشا، ماس كۇيىندە اۋلادا قاڭتارۋلى تۇرعان 9 كولىكتىڭ تەرەزەسىن سىندىرعان. قازىرگى تاڭدا كۇدىكتى پوليتسياعا جەتكىزىلدى. ونىڭ ۇستىنەن «بۇزاقىلىق» بابى بويىنشا سوتقا دەيىنگى تەگەۋ باستالدى»، - دەپ جازىلعان دەپارتامەنتتىڭ دەرەگىندە.
پوليسيانىڭ مالىمەتى بويىنشا، كولىك يەلەرىنە كەلگەن شىعىن ەسەپتەلىپ جاتىر.