ۆ. زەلەنسكي: رەسەي 9 مىڭداي ساربازىنان ايىرىلدى

نۇر-سۇلتان.قازاقپارات -رەسەيدىڭ قورعانىس مينيسترلىگى ۋكراينادا قازا تاپقان اسكەر سانىن العاش رەت ايتتى. رەسمي دەرەك بويىنشا، بارلىعى 498 سارباز اجال قۇشقان. بۇدان باسقا، 1597 جاۋىنگەر جاراقات العان.

سونداي- اق كرەملدىڭ مالىمدەۋىنشە، ۋكراينا جاعىنان 2870 قۇربان بار. زارداپ شەككەن سارباز سانى 3700 گە جۋىق. 572 ۋكراينالىق جاۋىنگەر تۇتقىنعا تۇسكەن.

يگور كوناشەنكوۆ، رەسەي قورعانىس مينيسترلىگىنىڭ رەسمي وكىلى:

- وكىنىشكە قاراي، ارنايى اسكەري وپەراتسيا بارىسىندا ءبىزدىڭ جولداستارىمىزدىڭ اراسىندا ادام شىعىن بار. قۇربان بولعانداردىڭ وتباسىنا قولدان كەلگەن بارلىق كومەك كورسەتىلىپ جاتىر. تاعى دا قايتالاپ ايتايىن، ارنايى وپەراتسياعا رەسەي قورعانىس مينيسترلىگىنىڭ كۋرسانتتارى دا، ادەتتەگى اسكەرگە شاقىرىلعان ادامدار دا قاتىسىپ جاتقان جوق.

باتىستىڭ كوپتەگەن جانە كەيبىر رەسەيلىك اقپارات قۇرالدارى رەسەي تاراپىنان سانسىز قۇربان بولىپ جاتقانىن جاريالاپ جاتىر. بۇل - ماقساتتى تۇردە تاراتىلىپ جاتقان جالعان دەرەكتەر.

ۆ. زەلەنسكي:

رەسەي 9 مىڭداي ساربازىنان ايىرىلدى

ۋكراينا پرەزيدەنتى رەسەيدىڭ قورعانىس مينيسترلىگىنىڭ بۇل مالىمەتىن جوققا شىعاردى. ۆلاديمير زەلەنسكيدىڭ مالىمدەۋىنشە، جاۋ 1 اپتانىڭ ىشىندە 9 مىڭداي ساربازىنان ايىرىلعان. ول كۇندە قاراپايىم ۋكراينالىقتار رەسەي جاۋىنگەرلەرىن تۇتقىنعا الىپ جاتقانىن ايتادى.

ۆلاديمير زەلەنسكي، ۋكراينا پرەزيدەنتى:

- نە ءۇشىن قۇربان بولىپ جاتىر؟ ۋكراينانى باسىپ الۋ ءۇشىن بە؟ بۇل مۇمكىن ەمەس. قانشا جەردەن زىمىران اتسا دا، بومبا تاستاسا دا، تانكىمەن شابۋىلداسا دا، ءبىز بەرىلمەيمىز. ويتكەنى بۇل - ءبىزدىڭ جەرىمىز. ولار بىزگە قارسى سوعىس اشقانى ءۇشىن حالىقارالىق سوتتا جاۋاپ بەرەدى.

www.24.kz