قازاقستان دايىن مۇناي- گاز ونىمدەرى ەكسپورتىن 9 ەسەگە ارتتىرادى

نۇر- سۇلتان. قازاقپارات - 2025 - جىلعا قاراي 5 مۇناي- گاز حيميا زاۋىتى پايدالانۋعا بەرىلەدى. بۇل تۋرالى ورتالىق كوممۋنيكاتسيالار قىزمەتىندەگى باسپاس ءماسليحاتىندا ق ر ۇلتتىق ەكونوميكا ءمينيسترى اسەت ەرعاليەۆ ايتتى، دەپ حابارلايدى قازاقپارات ءتىلشىسى.

ونىڭ اتاپ وتۋىنشە، «قازاقستاندىقتاردىڭ ءال- اۋقاتىن ارتتىرۋعا باعىتتالعان ورنىقتى ەكونوميكالىق ءوسۋ» ۇلتتىق جوباسىنىڭ «مۇناي- گاز حيميالىق كەشەنىن دامىتۋ» باعىتى اياسىندا شيكىزاتتىق ەمەس ەكسپورتتى ۇلعايتۋ جانە ىشكى سۇرانىستى قاناعاتتاندىرۋ ءۇشىن ءىرى جوعارى تەحنولوگيالىق مۇناي- گاز حيميالىق ءوندىرىسى ىسكە قوسىلادى.

«2025 -جىلعا قاراي 5 مۇناي- گاز حيميا زاۋىتى پايدالانۋعا بەرىلەدى. ناتيجەسىندە مۇناي- گاز حيميالىق ءونىمىن ءوندىرۋ كولەمى 140 مىڭنان 2 ميلليون تونناعا دەيىن ارتىپ، مۇناي- گاز حيميا ءونىمى يمپورتىنىڭ ۇلەسى 87 پايىزدان 72 پايىزعا ازايادى. بۇل رەتتە دايىن مۇناي- گاز ونىمدەرىنىڭ ەكسپورتى 9 ەسەگە، 1,4 ميلليارد ق ش دوللارىنا ارتادى»، - دەدى مينيستر.

اۆتور: مارلان جيەمباي