كەز كەلگەن ساۋاتتى ادام ءبىلۋى كەرەك 9 نارسە

نۇر-سۇلتان.قازاقپارات -قازىرگى قوعامنىڭ پارادوكسى - اقپاراتتىڭ كوپتىگىنەن وعان دەگەن قىزىعۋشىلىقتىڭ جوعالۋى.

ءبىراق سول شەكسىز ءبىلىم ىشىنەن كەرەگىن سۇزگىدەن وتكىزىپ، ماڭىزدىسىن اجىراتا ءبىلۋدىڭ ءوزى وڭاي ەمەس. دەسە دە ءوز ءوزىن سىيلايتىن ءار ادامنىڭ قولىنان كەلۋى كەرەك قاسيەتتەر بار، ولار دا وسىنداي ءبىلىم الۋدىڭ ارقاسىندا يگەرىلەدى. ەندەشە سولارعا توقتالىپ وتەيىك.

1. ءوز ويىڭىزدى جۇيەلى جەتكىزە ءبىلىڭىز

ەركىن ءارى جۇيەلى سويلەۋ قابىلەتى اڭگىمەلەسۋشىگە ءوز كوزقاراسىڭىزدى جەتكىزۋگە كومەكتەسەدى. ءسىزدىڭ ورتاڭىزدا ءجيى قولدانىلاتىن تەرميندەردىڭ ماعىناسىن ءبىلۋ سىزگە ءوزىڭىزدى جايلى سەزىنۋگە مۇمكىندىك بەرەدى.

2. الەمگە وزگەنىڭ كوزىمەن قاراي ءبىلىڭىز

كەز كەلگەن جاعدايدا سىزگە ەتيكەتتىڭ نەگىزگى ەرەجەلەرىمەن قوسا، ادام پسيحولوگياسىنا قاتىستى ءبىلىمىڭىز ءسىزدىڭ تىرەگىڭىز بولۋى كەرەك. ادامنىڭ مىنەز - قۇلقىنىڭ سەبەپتەرىن ءتۇسىنۋ ءۇشىن الەمگە اڭگىمەلەسۋشىنىڭ كوزىمەن قاراۋدى ۇيرەنىڭىز. ادامدارعا قۇرمەتپەن قاراۋ ارقىلى ءسىز اينا رەاكسياسىن جاسايسىز، ءتىپتى وزىڭىزگە ەلىكتەۋگە بەيسانالى تۇردە نيەتىن وياتا الاسىز.

3. شىنايى قىزىعۋشىلىق تانىتا ءبىلىڭىز

الەمنىڭ كوپ قىرلى ەكەنىن ءتۇسىنىڭىز. ءبىز كەم دەگەندە ءبىر - ەكى تاۋەلسىز دەرەككوزدى وقىپ، وزىمىزشە قورىتىندى جاساعاننان كەيىن عانا بەلگىلى ءبىر ماسەلە تۋرالى ءوز ويىمىزدى ايتا الامىز. سول سەبەپتى تاقىرىپتى زەردەلەۋ بارىسىندا وعان شىنايى قىزىعۋشىلىق تانىتۋ وتە ماڭىزدى.

4. ەشكىمدى سىناماڭىز

بۇل تىركەستى ەستىگەن كەزدە، ادام بەيسانالى تۇردە وزگەلەردى عايباتتاۋدان ارىلۋ كەرەك ەكەنىن ۇعادى. ارينە، ول وتە ماڭىزدى. ءبىراق ادام وزگەدەن بۇرىن، ءوزىن سىناۋدى قويۋى كەرەك. يدەال ادام جوق. تەك ءوزىن بار بولمىسىمەن قابىلداۋ ونەرىن يگەرگەن جان عانا وزگەدەن كەمشىلىك كورمەۋگە، كەشىرىمشىل بولۋعا بەيىم كەلەدى.

5. ءوزىڭىزدىڭ ۇزدىك نۇسقاڭىزدى جاساۋعا تالپىنىڭىز

اعىلشىنداردا «بالالاردى تاربيەلەمەڭىزدەر، ولار ءبارىبىر ءوزىڭىز سياقتى بولادى. سوندىقتان ءوزىڭىزدى تاربيەلەڭىز!» دەگەن ءسوز بار. قالاي بولعاندا دا، بالا اتا - اناسىنىڭ ادەتتەرى مەن مىنەز - قۇلقىن بويىنا سىڭىرەدى. ءوزىڭىزدى جەتىلدىرىڭىز، سوندا ءسىز بالاڭىزدىڭ بويىنا ەڭ جاقسى قاسيەتتەردى قالىپتاستىراسىز.

6. اسەمدىكتەن شابىت الىڭىز

ونەردىڭ كەز كەلگەن كورىنىسى قيالدى دامىتادى. جانە، ارينە، بۇل بىزگە ادەمىلىككە ۇيرەتەدى. ەرۋديت ادام الەمدىك ادەبيەتتىڭ، مۋزىكانىڭ، كينونىڭ جانە بەينەلەۋ ونەرىنىڭ جاۋھارلارىن ءتۇسىنۋى كەرەك. ولاردىڭ يدەيالارى قاي ۋاقىتتا دا وزەكتى بولىپ قالا بەرەدى.

7. ءبىلىمىڭىزدى جەتىلدىرىڭىز

ورتا مەكتەپتىڭ نەگىزگى ماقساتى - ءبىلىم مەن داعدىلاردىڭ نەگىزىن قالاۋ. ءبىراق ءسىز كوبەيتۋ كەستەسىن، ءوز ەلىڭىزدىڭ تاريحىن، گەوگرافيا مەن گرامماتيكانى ءبىلۋىڭىز كەرەك.

8. گيپپوكرات انتىن بەرىڭىز

كۇندەلىكتى ومىردە اپاتتىق جاعدايلار ورىن الىپ جاتادى. اريرنە، زارداپ شەگۋشىنى بايقاعان سوڭ مىندەتتى تۇردە جەدەل جاردەم شاقىراسىز. ءبىراق مەديتسينالىق توپتىڭ كەلۋىنە كەيدە 30 مينۋتتان دا كوپ ۋاقىت كەتەدى. ال ءسىز العاشقى مەديتسينالىق كومەك كورسەتۋدىڭ قاراپايىم داعدىلارىن مەڭگەرۋ ارقىلى وزگەلەردىڭ عانا ەمەس، ءوزىڭىزدىڭ دە ءومىرىڭىزدى قۇتقارا الاسىز.

9. ءوز قۇقىعىڭىزدى قورعاۋدى ۇيرەنىڭىز

مەملەكەتتىك زاڭدار قوعامداعى قاتىناستاردى قالىپتاستىرادى. سوندىقتان ءسىز ولاردى ءبىلۋىڭىز كەرەك. ارينە، ناقتى جاعدايلار مەن ماسەلەلەرمەن اينالىساتىن ارنايى دايىندالعان ادامدار - زاڭگەرلەر بار. ءبىراق (مىسالى، اۆتوكولىكشى مارتەبەسىندەوگى ادام) اركىم ءوزى ءۇشىن كۇندەلىكتە ومىردە كەرەك بولۋى مۇمكىن ەرەجەلەردى بىلگەنى ابزال.

بۇل ءتىزىمدى شەكسىز تولىقتىرۋعا بولادى، ويتكەنى ءار جاڭا كۇن سىزگە جاڭا «توسىن سىيلار» اكەلەدى، وعان ءسىز دايىن بولۋىڭىز قاجەت. مۇنىمەن توقتاماڭىز، پايدالى ادەبيەتتەردى كوبىرەك وقىڭىز، سوندا ءسىز الەمنىڭ ادەمى ەكەنىن تۇسىنەسىز. سەبەبى ءسىز ونىڭ مۇمكىندىكتەر مەن عاجايىپتارعا تولى ەكەنىن كورەسىز.

massaget.kz