9 -ماۋسىم. قازاقپارات كۇنتىزبەسى
اتاۋلى كۇندەر
دۇنيەجۇزىلىك اككرەديتاتسيا كۇنى 2008 -جىلعى ماۋسىمنىڭ 9-دا بەكىتىلدى. حالىقارالىق اككرەديتاتسيا فورۋمى (IAF، International Accreditation Forum) مەن حالىقارالىق اككرەديتاتسيا ىنتىماقتاستىعى زەرتحاناسىنىڭ (ILAC، International Laboratory Accreditation Cooperation) ورتاق شەشىمىمەن جاھاندىق باستاماعا اينالدى.
حالىقارالىق ارحيۆ كۇنى بۇل مەرەكە 2007 -جىلى قاراشادا كۆەبەكتە (كانادا) حالىقارالىق ارحيۆ كەڭەسىنىڭ باس اسسامبلەياسىندا (مسا، International Council on Archives, ICA) بەكىتىلدى. اتالعان كۇن كەزدەيسوق تاڭدالعان جوق - 1948 -جىلى ءدال وسى كۇنى يۋنەسكو- نىڭ شەشىمىمەن حالىقارالىق ارحيۆ كەڭەسىنىڭ (مسا) نەگىزى قالاندى.
ەستە قالار وقيعالار
1993 -جىلى الماتىداعى دوستىق ۇيىندە كاسپي تەڭىزى ايدىنىنىڭ قازاقستانعا قاراستى قايراڭىندا گەولوگيالىق بارلاۋ باعدارلاماسى جونىندە حالىقارالىق مۇناي كومپانيالارى كونسورتسيۋمى قۇرىلدى. ونىڭ قۇرامىنا قازاقستان، يتاليا، ا ق ش، فرانتسيا، نورۆەگيا، نيدەرلاندى، ۇلى بريتانيا مۇناي كومپانيالارى كىردى.
2006 -جىلى الماتىدا كۋرورت مارتەبەسىنە يە جاڭا «جايلاۋ» گولف- كلۋبى اشىلدى. كلۋبتىڭ ويىن الاڭدارىن مەملەكەت باسشىسى نۇرسۇلتان نازاربايەۆ پەن الماتىدا اشىلعان قازاقستان رەسپۋبليكاسى پرەزيدەنتى جانىنداعى شەتەلدىك ينۆەستورلار كەڭەسىنىڭ XV ماجىلىسىنە قاتىسۋشىلار العاشقىلاردىڭ ءبىرى بولىپ سىناقتان وتكىزىپ كوردى. «جايلاۋدىڭ» 18 الاڭىنىڭ جالپى اۋماعى - 82 گەكتار. 18 ۇياسى بار گولف- الاڭ ت م د اۋماعىنداعى ەڭ اۋقىمدى گولف- كۋرورتتاردىڭ ءبىرى بولىپ تانىلىپ، الەمدەگى ەڭ ۇزدىك كلۋبتاردىڭ كاتالوگىنا ەندى. جوبانىڭ اۆتورى - اتى اڭىزعا اينالعان گولف شەبەرى ارنولد پالمەر نەگىزىن قالاعان «Palmer Course Design Co.» كومپانياسى. جاڭا سپورت كەشەنىنىڭ اۋماعىندا 38 ۆيللا، 64 پاتەرلى بەس قاباتتى تۇرعىن ءۇي كەشەنى جانە 3 تەننيس كورتى بار. جاڭا كلۋبتىڭ اشىلۋ ءراسىمى قازاقستانداعى وسى سپورت ءتۇرىنىڭ 10 جىلدىعىنا جانە شەتەلدىك ينۆەستورلار كەڭەسىنىڭ XV ماجىلىسىنە ورايلاستىرىلدى.
2009 -جىلى اقمولا وبلىسى ەرەيمەنتاۋ اۋدانىنداعى تورعاي اۋىلىنىڭ ماڭىنان تۇركى ءداۋىرىنىڭ «قوس باتىر» عۇرىپتىق ەسكەرتكىشى تابىلدى. ول عۇرىپتىق ەسكەرتكىش تاستان قالانعان ءتورت بۇرىشتى ەكى قورشاۋدان تۇرادى. ەكى قورشاۋدىڭ شىعىس جاعىندا تاستان قاشالعان ەكى باتىردىڭ ءمۇسىنى بار. بۇل مۇسىندەر VII- VIII عاسىردا جاسالعان. 2010 -جىلى بريتاندىق سۋرەتشى ءارى رەجيسسەر رۋت ماكلەننان قازاقستاننىڭ ءشول جانە دالا لاندشافتارى مەن تاريحى تۋرالى كوركەم كينو تۇسىرمەك. اتالمىش كينودا ارحەولوگ پەن گەولوگ سياقتى ەكى كەيىپكەر بولادى، ونىڭ ءبىر كەيىپكەرىن جەرلەسىمىز ساۋلە سۇلەيمەنوۆا سومدادى.
2015 -جىلى ب ا ءا پوشتا وپەراتورى مەن «قازپوچتا» اق پوشتا ماركالارىن بىرلەسىپ شىعارۋ تۋرالى شەشىم قابىلدادى. بۇل پوشتا ماركالارى ەكى دوستاس مەملەكەتتىڭ باسشىلارى نۇرسۇلتان نازاربايەۆ پەن شەيح حاليف يبن زايەد ءال ناحايانعا ارنالعان.
2017 -جىلى ق ر پرەزيدەنتى حالىقارالىق مامانداندىرىلعان «ەكسپو-2017» كورمەسىن اشىق دەپ جاريالادى. «بۇگىن ءبىزدىڭ ەلىمىزدە عانا ەمەس، دۇنيەجۇزىلىك كورمەلەر تاريحىندا ايتۋلى كۇن. قازىر كوپتەن كۇتكەن حالىقارالىق «ەكسپو-2017» كورمەسىنىڭ شىمىلدىعى اشىلدى. وسى سالتاناتتى مەرەكەمەن بارشاڭىزدى شىن جۇرەگىمنەن قۇتتىقتايمىن» ، - دەگەن ەدى مەملەكەت باسشىسى كورمەنىڭ اشىلۋىندا.
2017 -جىلى شانحاي ىنتىماقتاستىق ۇيىمىنا مۇشە- مەملەكەتتەردىڭ پرەزيدەنتتەرى ۇيىمنىڭ سامميتىندە مەملەكەت باسشىلارىنىڭ استانا دەكلاراتسياسىنا قول قويدى. سونداي- اق، ش ى ۇ- نىڭ ەكسترەميزگە قارسى كۇرەس تۋرالى كونۆەنتسياسىنا، مۇشە- مەملەكەتتەردىڭ حالىقارالىق تەرروريزمگە بىرلەسىپ قارسى تۇرۋ جونىندەگى مالىمدەمەسىنە جانە ۇيىمنىڭ ءبىرقاتار ىشكى قۇجاتتارىنا قول قويىلدى. ءتوراعالىق ەتۋشى مەملەكەت اتىنان قازاقستان پرەزيدەنتى بارلىعىنا سىندارلى سۇحبات، پايدالى ۇسىنىستار مەن ءتوراعالىق ەتكەن ۋاقىتتا قازاقستان تاراپىنا ايتىلعان جاقسى پىكىرلەر ءۇشىن العىسىن ءبىلدىردى.
2019 -جىلى نۇر- سۇلتان ۋاقىتىمەن 20.00-دە قازاقستاندا كەزەكتەن تىس پرەزيدەنت سايلاۋىنا داۋىس بەرۋ اياقتالدى. سايلاۋشىلاردىڭ % 77,5 داۋىس بەرۋگە قاتىستى. «Nur Otan» پارتياسىنىڭ اتىنان ق ر پرەزيدەنتى كانديداتتىعىنا تۇسكەن قاسىم- جومارت توقايەۆقا سايلاۋشىلاردىڭ %70,96 ى داۋىس بەرگەن.
