ورالدا بالالار 9 قاباتتى ءۇيدىڭ شاتىرىنا شىعىپ ويناعان
ب ق و پوليتسيا دەپارتامەنتىنىڭ باسپا ءسوز قىزمەتى ءمالىم ەتكەنىندەي، وقيعا زاچاگان كەنتى مۇرات موڭكە ۇلى كوشەسى 83/2-ۇيدە بولعان. الەۋمەتتىك جەلىدە كىشكەنتاي بالالاردىڭ ءۇيدىڭ شاتىرىندا اتا-انالاردىڭ قاراۋىنسىز ويناپ جۇرگەنى تۋرالى اقپارات جاريالاندى.
ۆيدەونى ۋچاسكەلىك پوليتسيا ينسپەكتورلارى تەكسەرىپ، بالالار مەن ولاردىڭ اتا-انالارى كىم ەكەندىگىن انىقتادى. ولارمەن ءتۇسىندىرۋ جۇمىستارى جۇرگىزىلدى. پ ي ك-تەر ءتوراعالارىنا شاتىرعا شىعاتىن قاقپا- ەسىكتەردىڭ ءبارىن جاۋىپ قويۋ جونىندە ەسكەرتىلدى.
پوليتسيا قىزمەتكەرلەرى بۇل ماسەلەنى الداعى ۋاقىتتا دا نازاردا ۇستايتىن بولادى. ورالدا قىس كەزىندە دە وسىنداي وقيعا بولىپ، وندا بالالاردىڭ كىم ەكەندىگى انىقتالماعان ەدى.
«قازىر جاز كەزى، بالالاردىڭ دالاعا كوبىرەك شىعاتىن ۋاقىتى. سوندىقتان اتا-انالاردان پەرزەنتتەرىنەن كوز جازباي، باقىلاۋدى سۇرايمىز»، دەدى دەپارتامەنتتىڭ باسپا ءسوز قىزمەتى.
