قازگيدرومەت 9 وبلىسقا اۋا رايىنا بايلانىستى ەسكەرتۋ جاريالادى
تۇركىستان، الماتى وبلىستارىندا جانە الماتى قالاسىنا ىرگەلەس اۋماقتاردا جاۋىن جاۋادى، ءتىپتى نوسەر بولۋى مۇمكىن. وسىعان بايلانىستى تاۋ وزەندەردە سۋ دەڭگەيى كوتەرىلۋى مۇمكىن. 18-مامىردا اقمولا وبلىسىنىڭ كەي جەرلەرىندە نايزاعاي جارقىلدايدى، بۇرشاق جاۋۋى ىقتيمال. جەلدىڭ ەكپىنى سەكۋندىنا 15-20 مەتر.
18-مامىردا شىمكەنت قالاسىندا قاتتى نوسەر جاۋادى، نايزاعاي جارقىلداپ، داۋىل سوعۋى، بۇرشاق جاۋۋى مۇمكىن. جەلدىڭ ەكپىنى سەكۋندىنا 15-20 مەتر.
18-مامىردا قوستاناي وبلىسىنىڭ كەي جەرلەردە قاتتى نوسەر، بۇرشاق جاۋادى، تۇمان ءتۇسىپ، جەلدىڭ ەكپىنى سەكۋندىنا 15-20 مەترگە جەتەدى. قىزىلوردا وبلىسىندا جاڭبىر، كەي جەرلەردە نايزاعاي، جەلدىڭ ەكپىنى سەكۋندىنا 15-20 مەتر، كەي جەرلەردە سەكۋندىنا 23 مەترگە جەتەدى. ماڭعىستاۋ وبلىسىندا كەي جەرلەردە تۇمان تۇسەدى، نايزاعاي ويناپ، جەلدىڭ ەكپىنى سەكۋندىنا 15-20 مەترگە جەتەدى. سولتۇستىك قازاقستان وبلىسىنىڭ كەي جەرلەرىندە نايزاعاي ويناپ، داۋىل سوعادى، بۇرشاق جاۋۋى ىقتيمال. تۇمان تۇسەدى، جەلدىڭ ەكپىنى سەكۋندىنا 15-20 مەترگە جەتەدى.
18-مامىردا تۇركىستان وبلىسىنداعى تاۋلاردا نوسەر، بۇرشاق جاۋادى، نايزاعاي ويناپ، داۋىل سوعۋى ىقتيمال. جەلدىڭ ەكپىنى سەكۋندىنا 15-20 مەتر، كەي جەرلەردە سەكۋندىنا 23 مەترگە جەتەدى. توتەنشە جاعدايلار كوميتەتى تۇرعىندارعا اۋا رايىنىڭ قۇبىلۋىنا نازار اۋدارۋدى سۇرادى. داۋىلدى ەسكەرتۋ تۋرالى حابارلاماعا قۇلاق اسىپ، قاجەتتى ساقتىق جاساۋ كەرەك. جەلدىڭ جىلدامدىعى سەكۋندىنا 15-20 جانە ءتىپتى سەكۋندىنا 30 مەترگە دەيىڭن كۇشەيەدى. ەلدى مەكەندەردە قاۋىپسىزدىك تەحنيكاسىنىڭ باستى ەرەجەسىن ۇستانۋ كەرەك. شاعىن قالالار مەن مەگاپوليستەردە داۋىل كەزىندە زارداپ شەگۋ ىقتيمالدىعى جوعارى بولادى.
قاتتى داۋىل سوققاندا ۇيدەگى بارلىق تەرەزە تىعىز جابىلۋى ءتيىس. تولىق جابىلماعان بالكون مەن لودجيادان قاتتى جەل كەزىندە سىرتقا ءۇشىپ كەتۋى مۇمكىن بارلىق زاتتى (قۇمىرا، جاشىك، شولمەك جانە ت. ب. ) الىپ تاستاۋ كەرەك. تۇرعىن ءۇي بۇرىشىنداعى بالكونداردا داۋىل كەزىندەگى راماسىمەن بىرگە ەسكى تەرەزەسى ۇشىپ كەتكەن جاعداي كەزدەسەدى.
كوشەدە داۋىل تۇرعان كەزدە جارناما قالقاندارى (جانە باسقا دا اسپالى قۇرىلىمدار)، اۆتوبۋس ايالداماسى، ەلەكتر باعاناسى مەن جەلىسى، سونداي-اق اعاشتاردان بارىنشا الىس تۇرىڭىز. اينالاڭىزعا ساق بولىڭىز، ۇستىگە قۇلاپ كەتۋى مۇمكىن زاتتاردان الشاق بولۋىڭىز. ۇزىلگەن سىمدار مەن قۇلايتىن زاتتارعا (اعاشتارعا) جاقىنداۋعا بولمايدى.
«قاتتى جەل سوقسا ول تىيىلعانشا جاقىن ماڭداعى عيماراتتا نەمەسە تابيعي ىقتاسىنعا جاسىرىنۋ قاجەت. ۇلكەن اعاشتىڭ، اسىرەسە تەرەكتىڭ استىنا كولىك قويۋعا بولمايدى، ويتكەنى اعاش نەمەسە ونىڭ ءىرى بۇتاعى قۇلاپ باسىپ قالۋى مۇمكىن. شىرىگەن جانە كارى، سونداي-اق جالعىز تۇرعان اعاشتار دا وتە قاۋىپتى. ۇيدەن شىقپاڭىزدار، جاقىندارىڭىزدى قورعاڭىزدار»، دەلىنگەن ەسكەرتۋدە.
