قازاقستاندا ازىق-تۇلىك باعاسى %9 ءوسىپ، جاڭا پىسكەن جەمىستىڭ باعاسى ارزاندادى
ەسەپتى كەزەڭدە توقاش ونىمدەرى مەن ءداندى داقىلدار، ەت، بالىق جانە تەڭىز ونىمدەرى، ءسۇت ونىمدەرى، جۇمىرتقا، ماي جانە قانت، كونديتەرلىك ونىمدەر، الكوگولسىز سۋسىندار مەن الكوگول ونىمدەرى قىمباتتاپ، جاڭا پىسكەن جەمىس باعاسى ارزاندادى.
اتاپ ايتقاندا، استىق ونىمدەرى باعاسى ءارتۇرلى باعىتتا وزگەردى. بيىلعى جىلدىڭ تامىز ايىندا كۇرىشتىڭ ورتاشا باعاسى 1 كەلىگە - 374 تەڭگەنى قۇراسا، وتكەن جىلدىڭ وسى كەزەڭىندە - 306 تەڭگە، ال قاراقۇمىقتىڭ باعاسى بيىل - 241 تەڭگە، بىلتىر وسى كەزەڭدە - 255 تەڭگە بولعان.
تامىز ايىندا تۇيىرشىكتەلگەن قانتتىڭ ورتاشا باعاسى 1 كەلىگە - 233 تەڭگە، ءبىر جىل بۇرىن - 223 تەڭگە بولدى.
ەت جانە ەت ونىمدەرىنەن سيىردىڭ جاۋىرىن- كەۋدە بولىگىنىڭ باعاسى 2019 -جىلدىڭ تامىز ايىندا 1 كەلىگە 1713 تەڭگەنى قۇرادى (2018 -جىلدىڭ تامىز ايىندا - 1506 تەڭگە) سۇيەكتى قوي ەتى - 1648 تەڭگە (1433 تەڭگە)، سۇيەكتى جىلقى ەتى - 1933 تەڭگە (1695 تەڭگە)، شالا قاقتالعان شۇجىق - 2109 تەڭگە (1928 تەڭگە)، تاۋىق ەتى - 812 تەڭگە (663 تەڭگە) بولدى.
