وزبەكستان ازاماتىنان 9 ۇرلانعان تەلەفون تابىلدى

الماتى. قازاقپارات - الماتى پوليتسياسى «س ۋ م» ساۋدا ورتالىعىندا رەيد جۇرگىزدى، دەپ حابارلايدى قازاقپارات ءتىلشىسى.

قالالىق ءى ءى د باسپا ءسوز قىزمەتىنىڭ حابارلاۋىنشا، ساۋدا ءۇيىنىڭ نۇكتەلەرىنەن 10 ۇرلانعان تەلەفون تابىلدى.

ۇرلانعان تەلەفونداردىڭ 9 ى تەلەفون جوندەۋمەن اينالىساتىن شەبەر 29 جاستاعى وزبەكستان ازاماتى سايد تۇرسىنوۆتىڭ جۇمىس ورنىنان تابىلعان.

«موبيلدى قۇرالداردىڭ كوپشىلىگى ونىڭ جۇمىس ورنىندا شاشىلعان كۇيىندە ساقتالىپ كەلگەن. تاعى ءبىر تەلەفون 27 جاستاعى ءاشىر دجاليلوۆتان تابىلدى. قازىر ەكى كۇدىكتى دە المالى اۋدانى ءىىب قاماۋدا وتىر. جۇرگىزىلگەن تالداۋ جۇمىستارىنىڭ ارقاسىندا ءبىز ۇيالى تەلەفون يەلەرىنىڭ كىم ەكەندىگىن انىقتايتىن بولامىز. قازىر ۇرلانعان زاتتى ساتۋ بويىنشا ق ر ق ك بويىنشا سوتقا دەيىنگى تەرگەۋ جۇمىستارى باستالدى»، - دەدى الماتى ءى ءى د باسقارما باسشىسى ەسەن يسكاكوۆ.

اتالعان تەكسەرىسكە 20 جەدەل توپ جۇمىلدىرىلدى. 200 جۋىق نۇكتە، 985 موبيلدى قۇرال تەكسەرىلدى. ولاردىڭ ىشىندە 10 تەلەفون ۇرلانعان بولىپ شىقتى.

پوليتسيا كەشە «ستۋدەنت» جانە «اتاكەنت مول» ساۋدا ورىندارىن تەكسەرگەن بولاتىن.