20:21, 25 - قازان 2017 | GMT +6
تايلاند كورولى 9-رامانى جەرلەۋ ءراسىمى باستالدى
استانا. قازاقپارات - تايلاندتى 70 جىل باسقارعان كورول پۋميپون ادۋليادەتتى (9-راما) جەرلەۋ ءراسىمى بەس كۇن جالعاسادى.
ەلدىڭ جەتەكشى تەلەارنالارىندا جەرلەۋ راسىمىنەن تىكەلەي ترانسلياتسيالار جۇرگىزىلەدى، دەپ حابارلايدى تاسس.
ۇلكەن كورول سارايىنىڭ پاتشا تابىتى جاتقان تاق زالىندا موناحتار كورولدىڭ جالعىز ۇلى ح راما جانە كورول وتباسى مۇشەلەرىنىڭ قاتىسۋىمەن دۇعا وقىدى. ارتىنشا، جەرگىلىكتى داستۇرگە وراي ح راما قىزمەتشىلەرگە موناحتاردىڭ كيىمىن ساداقا ەتتى. وسى شارا ІХ رامانى جەرلەۋ ءراسىمىنىڭ باسى بولدى. ءراسىم 29 -قازان كۇنى اياقتالادى.
26 -قازان كۇنى كەشكىسىن پاتشانىڭ سۇيەگى كۇيدىرىلەدى. كرەماتسياعا قاتىسۋ ءۇشىن بۇگىن بانگكوكقا الەمنىڭ كوپتەگەن ەلدەرىنەن مارتەبەلى قوناقتار كەلىپ جاتىر. كورولدىكتىڭ سىرتقى ىستەر مينيسترلىگىنىڭ مالىمدەۋىنشە، ومىردەن وزعان تايلاند كورولىنە قۇرمەت كورسەتۋ ءۇشىن 40 تان استام ەلدىڭ وكىلدەرى كەلەدى.
