توپ-9: الەمدە بيزنەس اشۋعا ەڭ قولايلى ەلدەر
اتالعان توعىز ەل الەمنىڭ ىشكى جالپى ءونىمىنىڭ 95 پايىزىنا يەلىك ەتەدى. ءتىزىمدى قۇرۋ بارىسىندا وندىرىستىك شىعىن، بيۋروكراتيا دەڭگەي، سالىق، مەملەكەتتىڭ بيزنەسكە قاتىستى ساياساتىنىڭ اشىقتىعى مەن جەمقورلىق دەڭگەيى سەكىلدى بىرنەشە فاكتورلار ەسكەرىلدى، دەپ حابارلايدى Egemen.kz.
1. پاناما - ورتالىق امەريكادا بيزنەس اشۋ وڭاي جالعىز مەملەكەت. پانامانى جۇرت «سالىق جۇماعى» دەپ تە اتايدى. بۇل ەلگە الەم كاپيتالى اعىلىپ كەلەدى. سالىق ماسەلەسى ەڭ وڭاي بۇل ەل ءتىزىمدى قۇرۋدا 10 بالدان 10 الىپ ءتىزىمنىڭ كوش باسىنا شىقتى. دەگەنمەن، پاناما ءبىر جاعىنان جەمقورلىقپەن دە اتى شىققان.
2. ليۋكسەمبۋرگ - باتىس ەۋروپاداعى شاعىن ەلدە دە سالىق جاعى وڭاي. سول سەبەپتى الەمنىڭ بارلىق ەلىنەن كاسىپكەرلەر مۇندا جۇمىس ىستەۋگە قۇشتار.
3. شۆەيتساريا تاريحي تۇرعىدا كاسىپكەرلىك ءۇشىن ەڭ جايلى ەلدەردجىڭ ءبىرى. سالىق كليماتى، مەملەكەتتىڭ ساياساتىنىڭ اشىقتىعى مەن جەمقورلىقتىڭ ازدىعى ەلدە جۇمىس ىستەۋگە مۇمكىندىك بەرەدى. سونىمەن قاتار، بۇل ەل ءومىر ءسۇرۋ ساپاسىنىڭ جوعارىلىعىمەن دە ەرەكشەلەنەدى.
4. دانيا دا سولتۇستىك ەۋروپا ەلدەرىنە ساي ەرەكشەلىكتەردى يەلەنە وتىرىپ، جەمقورلىقتىڭ ازدىعى، ساياساتتىڭ اشىقتىعى مەن بىلىكتى جۇمىس كۇشىنىڭ ارقاسىندا كاسىپكەرلىككە قولايلى ورتا ۇسىنادى.
5. فيليانديا نورۆەگيا مەن شۆەتسيا سەكىلدى ەكونوميكانىڭ سكانديناۆيالىق ۇلگىسىن ۇستانا وتىرىپ مەملەكەتتىڭ بيزنەسكە قاتىستى ساياساتىنىڭ اشىقتىعى مەن جەمقورلىقتىڭ ازدىعىنىڭ ارقاسىندا بيزنەستى جاقسى جۇرگىزىپ وتىر.
6. شۆەتسيا بيزنەسى نورۆەگيا سەكىلدى كاپيتاليزم مەن ەركىن نارىققا نەگىزدەلەدى. سالىق كولەمىنىڭ كوپتىگىنە قاراماستان بۇل ەل ءتىزىمنىڭ جوعارعى جاعىنان كورىنىپ وتىر.
7. كانادا سولتۇستىك امەريكا بويىنشا بۇل تىزىمگە كىرگەن جالعىز مەملەكەت. بۇل ەلدىڭ باستى ەرەكشەلىكتەرىنىڭ ءبىرى جوعارى تەحنولوگيا. بۇل ءوز كەزەگىندە جۇمىس كۇشىنىڭ بىلىكتىلىگىنە وڭ اسەر ەتەدى. بۇل ەلدە قىزمەت كورسەتۋ سالاسى ەكونوميكانىڭ نەگىزگى قوزعاۋشى كۇشى.
8. جاڭا زەلانديا نەگىزىنەن تۋريزم سالاسىمەن جانە ەكسپورتتىڭ كۇشتىلىگىمەن ەرەكشەلەنەدى. اسىرەسە اۋىل شارۋاشىلىعى ەكسپورتى قۋاتتى.
9. نورۆەگيا سالىعىنىڭ كوپتىگىنە قاراماستان بيزنەسكە قولايلى ەلدەردىڭ تىزىمىنە كىردى. بۇل ەلدەگى سالىق ەلدىڭ ى ج ءو- ءنىڭ 40-45 پايىزىن قۇرايدى. سوعان ساي مەملەكەت تە جەمقورلىقتى بارىنشا ازايتىپ، بيزنەسكە قاتىستى مەملەكەت ساياساتىنىڭ اشىقتىعىن قامتاماسىز ەتكەن.
دەرەككوزى: Egemen.kz
