جاپونيا پرەمەر-ءمينيسترىنىڭ وكىلەتتىگى 9 جىلعا سوزىلدى
وعان سايكەس، ءبىر مەزگىلدە ەلدىڭ ۇكىمەت باسشىسى بولىپ تابىلاتىن پارتيا ءتوراعاسىنىڭ وكىلەتتىگى 6 دان 9 جىلعا دەيىن سوزىلادى، دەپ حابارلايدى ت ا س س.
مۇنداي شەشىم توكيودا اشىلعان ليبەرالدى-دەموكراتيالىق پارتيانىڭ سەزىندە قابىلداندى. بۇل شەشىم وسى ۋاقىتتا جاپونيانىڭ پرەمەر-ءمينيسترى لاۋازىمىن اتقارىپ وتىرعان سيندزو ابەنىڭ 2018 جىلى وتستاۆكاعا كەتپەي، وسى قىزمەتىندە قالۋىنا مۇمكىندىك بەرەدى. ابە ءوزىنىڭ كاديداتۋراسىن ىشكى سايلاۋعا ۇسىناتىن بولسا، بولاشاقتا، ناقتىراق ايتقاندا 2021-جىلعا دەيىن پرەمەر-لاۋازىمىندا قالۋىنا مۇمكىندىگى بار.
جاپونيالىق ليبەرال دەموكراتتاردىڭ باسشىسى سيندزو ابە وسى ەلدە بولعان جالپى حالىقتىق سايلاۋدا دەموكراتيالىق پارتيادان باسىم تۇسكەن سوڭ بۇگىنگى قىزمەتىنە 2012-جىلى كىرىسكەن بولاتىن جانە ول ءوز لاۋازىمىن 2018-جىلى بوساتۋى قاجەت ەدى. الايدا ونىڭ پارتيا بويىنشا جاقتاستارى ۇكىمەت باسشىسىنا ەكونوميكالىق رەفورمالاردى جۇزەگە اسىرىپ، 2020-جىلى توكيودا بولاتىن وليمپيادانى وتكىزۋ ءۇشىن تاعى قوسىمشا ۋاقىت بەرۋ تۋرالى بىرنەشە مارتە باستاما كوتەردى.
