ۋنيۆەرسيادا: قازاقستان قورجىنىنا 9- التىن ءتۇستى

استانا. قازاقپارات - قازاقستاندىق شاڭعىشىلار ۋنيۆەرسيادا ويىندارىندا ەل قورجىنىنا 9- التىندى سالدى. ويىندار «حابار» ارناسىنان تىكەلەي ەفيردە كورسەتىلىپ جاتىر.

قازاقستاندىق جۇپ - اننا شيەۆچەنكو مەن ولجاس كليمين ۇزدىك ناتيجە كورسەتتى (18:23.48). فرانسۋزدار ەكىنشى بولدى (18:28.67). رەسەي سپورتشىلارى قولانى قاناعات تۇتتى (18:29.50).

تاعى ءبىر قازاقستاندىق جۇپ ولگا ماندريكا مەن سەرگەي مالىشيەۆ التىنشى بولىپ مارە سىزىعىن كەستى (19:11.72).

ەسكە سالا كەتسەك، ۋنيۆەرسيادادا قازاقستان قورجىنىنا العاشقى التىندى سالعان دا وسى شيەۆچەنكو بولاتىن. ول 5 شاقىرىم قاشىقتىققا جەكەلەي كلاسسيكالىق جۇرىسپەن جارىسۋدا توپ جارعان.

ايتا كەتەيىك، ساناۋلى ساتتەر بۇرىن كونكيشى قىز ەكاتەرينا ايدوۆا قولا مەدال جەڭىپ العان بولاتىن.

اۆتور: ەربول جانات