قازاقستاننىڭ 9 وڭىرىندە ونەركاسىپ ونىمدەرى ارتتى
بۇل تۋرالى ق ر ۇلتتىق ەكونوميكا مينيسترلىگى ستاتيستيكا كوميتەتىنەن حابارلاندى.
مالىمەتتەرگە قاراعاندا، 2016-جىلعى قاڭتاردا 2015-جىلعى قاڭتارمەن سالىستىرعاندا شيكى مۇناي، كومىر جانە تەمىر كەندەرىنىڭ ءوندىرىسى تومەندەگەن.
ماسەلەن، قاڭتاردا گاز كوندەنساتىن قوسا العاندا مۇناي ءوندىرىسى 6,8 ميلليون توننانى بەنزين ءوندىرىسى 0,2 ميلليون توننانى قۇرادى. سونىمەن بىرگە، تابيعي گاز جانە ءتۇستى مەتالل كەندەرىنىڭ ءوندىرىسى ءوستى.
ال مىس كەندەرى 5,7 ميلليون توننا بولدى. تاماق ونىمدەرىنىڭ، حيميا، فارماتسيەۆتيكا جانە مەتاللۋرگيا ونەركاسىبى ونىمدەرىنىڭ ءوندىرىسى جوعارىلادى. اتاپ ايتقاندا، ۇن ءوندىرىسى 0,3 ميلليون توننانى قۇراپ، بىلتىرعى كەزەڭمەن سالىستىرعاندا 108,1 پايىزعا جەتكەن.
«سۋسىنداردىڭ، تەمەكى، مۇناي وڭدەۋ جانە اۆتوكولىك قۇرالدارىن جاساۋ ونىمدەرىنىڭ ءوندىرىسى قىسقاردى. تومەندەۋ اقتوبە، قوستاناي، قىزىلوردا، ماڭعىستاۋ، پاۆلودار، شىعىس قازاقستان وبلىستارىندا جانە الماتى قالاسىندا تىركەلدى. ونەركاسىپتىك ونىمدەرىنىڭ ءوندىرىس كولەمىنىڭ ءوسۋى رەسپۋبليكانىڭ 9 وڭىرىندە بايقالدى»، - دەلىنگەن باسپا ءسوز بايانىندا.
اۆتور: قانات مامەتقازى ۇلى
