الماتىنىڭ تاماق ونەركاسىبىن جاڭعىرتۋعا 9 ميلليارد تەڭگە ينۆەستيتسيا جۇمسالادى
بۇل تۋرالى بۇگىن الماتى قالالىق اۋىل شارۋاشىلىعى باسقارماسىنىڭ باسپا ءسوز قىزمەتىنەن حابارلادى.
«الماتى قالاسىندا اۋىل شارۋاشىلىعى ونىمدەرىن قايتا وڭدەۋ جۇمىستارى جانداناتىن بولادى. قالادا ونەركاسىپتىك دەڭگەيدە وسىمدىك جانە مال شارۋاشىلىعىمەن اينالىسۋعا بولاتىندىعىن ەسكەرە وتىرىپ، قالا باسشىلىعى وڭدەۋشى ونەركاسىپ پەن ازىق- تۇلىك ساۋدا- لوگيستيكالىق جۇيەسىن دامىتۋعا كۇش سالادى»، - دەلىنگەن حابارلامادا.
2016 -جىلى تاماق ونەركاسىبى سالاسى بويىنشا 24 ارەكەتتەگى كاسىپورىن قايتا جابدىقتالىپ، 10 جاڭا كاسىپورىن اشىلاتىن بولادى. بۇل شارالارعا جۇمسالاتىن ينۆەستيتسيانىڭ كولەمى - 10 ميلليارد تەڭگەدەن اسادى.
تاماق ونەركاسىبىن دامىتۋدا اگروونەركاسىپتىك كەشەندى قاراجاتتاندىرۋ - ماڭىزدى مەملەكەتتىك قولداۋ شارالارىنىڭ ءبىرى ەكەندىگى بەلگىلى. 2015 - جىلى بۇل كەشەندە ەلەۋلى تۇردە رەفورما جۇرگىزىلدى.
ەندى، 2016 -جىلدىڭ 1 - قاڭتارىنان باستاپ، وسىمدىك شارۋاشىلىعىن قاراجاتتاندىرۋعا بولىنگەن قاراجات، اگروونەركاسىپتىك كەشەن سۋبەكتىلەرىنىڭ كۇردەلى قارجى شىعىندارىنا قاتىستى ينۆەستيتسيالىق قاراجاتتاندىرۋ جاعىنا قاراي باعىتتالادى. سونداي- اق، نەسيە مەن ليزينگ بويىنشا مولشەرلەمەلەردى قاراجاتتاندىرۋعا جۇمسالادى.
سونىمەن قاتار، كورشى وڭىرلەردىڭ اۋىل شارۋاشىلىعى تاۋارىن وندىرۋشىلەرىنىڭ كەڭەيتىلگەن جارمەڭكەلەرىن جانە اپتا سايىنعى اۋداندىق جارمەڭكەلەردى وتكىزۋ تاجىريبەسى ودان ءارى جالعاساتىن بولادى.
جارمەڭكەلەردىڭ ارقاسىندا قالا تۇرعىندارى مەن قوناقتارى ارزان باعاعا ساپالى ازىق- تۇلىك ونىمدەرىن ساتىپ الۋعا قول جەتكىزەدى، ال تاۋار وندىرۋشىلەر بولسا ءوز ونىمدەرىن ساتىپ الۋشىلارعا دەلدالدارسىز، تىكەلەي ساتۋعا مۇمكىندىك الادى.
