الماتى وبلىستىق پوليتسياسىنىڭ 9 ارداگەرىنە ق ر ءى ءى م مەرەيتويلىق مەدالدارى تاپسىرىلدى
ولاردىڭ اراسىندا 79 جاستاعى قىلمىستىق ىزدەۋ اقساقالى قابدىراحمان يسابەكوۆ جانە 90 جاستاعى مايدانگەر، كۋرسك يىنىندەگى شايقاسقا قاتىسۋشى جانە پوليتسيانىڭ ەڭبەك سىڭىرگەن ارداگەرى بوريس سۋدارنوۆ بار.
الماتى وبلىسى ءى ءى د- ءنىڭ باسپا ءسوز قىزمەتىنەن حابارلاعانداي، تالدىقورعاندا تۇراتىن ىشكى ىستەر ورگاندارىنىڭ بارلىق ارداگەرلەرى قارتتار ايلىعى اۋقىمىندا پوليتسەيلەر ۇيىمداستىرعان مەرەكەلىك داستارقاندا باس قوستى. الماتى وبلىسى ءى ءى د ارداگەرلەر كەڭەسىنىڭ ءتوراعاسى بولات قوجاقوۆ سالتاناتتى جاعدايدا ارىپتەستەرىن قۇتتىقتادى جانە ق ر ءى ءى م مەرەيتويلىق مەدالدارىن تاپسىردى.
ارداگەرلەرگە جاقسى كوڭىل-كۇي سىيلاۋمەن قاتار، ەسكەرتكىش سىيلىقتار جانە شاعىن ماتەريالدىق كومەك تاپسىرىلدى.
«جىل اسقان سايىن ءبىزدىڭ ارداگەرلەرىمىزدىڭ قاتارى ازايىپ كەلەدى. ولاردىڭ ءارقايسىسى لايىقتى قۇرمەتكە يە بولدى جانە قازىرگى جاستارعا ۇلگى-ونەگە. ايتالىق، بوريس سكۋدارنوۆ ۇلى وتان سوعىسىنا قاتىسىپ، ميليتاريستىك جاپونيادا شايقاستى. جاۋىنگەرلىك ەرلىكتەرى ءۇشىن وتان سوعىسى وردەنىمەن، «مۋدودزياندى العانى ءۇشىن»، «جاپونيانى جەڭگەنى ءۇشىن»، «جاۋىنگەرلىك ەرلىگى ءۇشىن» مەدالدارىنا جانە باسقا دا ماراپاتتارعا يە بولدى. مايداننان ورالعاننان كەيىن ب. سكۋدارنوۆ ميليتسيانىڭ جەدەل بولىمشەلەرىندە ۇزاق جىلدار قىزمەت ەتتى»، - دەپ اتاپ ءوتتى بولات قوجاقوۆ.
