اناسى مەن ۇلى 9 پاتەردى توناپ كەتكەن - الماتى وبلىسى

تالدىقورعان. قازاقپارات - الماتى وبلىسىندا تەكەلى، ۇشتوبە قالالارى، سونداي-اق كوكسۋ جانە ەسكەلدى اۋداندارىندا 9 پاتەردى توناعان 30 جاستاعى ەر ادام مەن 54 جاستاعى ايەل ۇستالدى.

«كۇدىكتىلەر ساتۋعا قويىلعان ۇيلەر مەن پاتەرلەردى تاڭداعان. 54 جاستاعى ايەل ساتىلاتىن ۇيلەردى قاراپ ءجۇرىپ ءۇي يەسىنىڭ كوڭىلىن اۋلاعان، سول ۋاقىتتا ۇلى قولىنا تۇسكەن باعالى زاتتاردى، زەرگەرلىك بۇيىمدار، اقشا، بانكومات كارتوچكالارى، تەلەفون جانە ت. ب. قولدى ەتكەن»، - دەپ ءتۇسىندىردى ءى ءى د.

قازىرگى ۋاقىتتا ەر ادام قاماۋدا. ال اناسى ەلدەن تىسقارى شىقپاۋ تۋرالى قولحاتپەن ۇيىنە قايتارىلدى. الدىن الا ەسەپ بويىنشا كەلتىرىلگەن ماتەريالدىق شىعىن شامامەن 200 مىڭ تەڭگەنى قۇرايدى.

ولاردىڭ باسقا ۇرلىققا قاتىستىلىعىنىڭ بار- جوعى انىقتالۋدا.