ورال اكىمى جازىقسىزدان 9 ميلليون تەڭگە ايىپپۇل تولەيتىن بولدى

استانا. قازاقپارات - ورال سوتى «امانات» جارناما اگەنتتىگىنىڭ قالا اكىمىنە قاتىستى ارىزىن قاناعاتتاندىردى.

ەندى التاي كۇلگىنوۆ جازىقسىزدان 9 ميلليون تەڭگە ايىپپۇل تولەۋگە ءماجبۇر بولىپ وتىر، دەپ حابارلايدى «ورال اپتالىعى» گازەتى.

ەستەرىڭىزگە سالامىز، 2012 - جىلدىڭ 19 - ناۋرىزىندا سول كەزدەگى ورال اكىمى بولات شاكىموۆ كوشەدەگى جارناما تاقتالارىن الىپ تاستاۋ تۋرالى باستاما كوتەرگەن. سەبەپ - رەتسىز ورناتىلعان بيلبوردتار جۇرگىزۋشىلەرگە كەدەرگى كەلتىرەدى ەكەن. وسىنداي ۋاجبەن 140 جارناما تاقتاسى الىپ تاستالادى. وسىدان كەيىن «امانات» ج ش س باسشىسى سوتقا ارىز بەرىپ، كەلتىرىلگەن شىعىندى وتەۋ ءۇشىن بولات شاكىموۆتەن 26 ميلليون تەڭگەدەن استام ايىپپۇل تولەۋدى تالاپ ەتەدى. كاسىپكەردىڭ ايتۋىنشا، شاكىموۆ اكىم بولىپ تۇرعاندا ونىڭ 20 بيلبوردى بولعان، ول تاقتالاردىڭ ءارقايسىسىن دايىنداۋعا 700 مىڭ تەڭگە جۇمساعان. بۇعان قوسا، اكىم وسى شەشىمدى شىعارعاننان كەيىن 2012 - جىلدىڭ سوڭىنا دەيىن جاسالعان كەلىسىمدەر بويىنشا جارناما بەرۋشىلەردەن اقشا الا الماعان.

سوت كاسىپكەردىڭ ارىزىندا تالاپ ەتىلگەن سومانى جارتىلاي قاناعاتتاندىرىپ، قالا اكىمىنە 9 ميلليون تەڭگە ايىپپۇل تولەۋ تۋرالى شەشىم شىعارعان. سونىمەن، بۇرىنعى اكىم قۇلاتقان بيلبوردتاردىڭ اقىسىن جاڭا اكىم تولەيتىن بولدى.  

اقپارات كوزى: bnews.kz