ۇشاق اپاتىنان قازا تاپقانداردىڭ جانۇيالارىنا 99 مىڭ دوللاردان تولەنەدى

استانا. قازاقپارات - AirAsia كومپانياسى ياۆان تەڭىزىندە اپاتقا ۇشىراعان ۇشاقتا قازا تاپقانداردىڭ جانۇيالارىنا 99,4 مىڭ دوللاردان تولەيدى. بۇل تۋرالى يندونەزياداعى اۋە تاسىمالداۋشىنىڭ ەنشىلەس كومپانياسىنىڭ پرەزيدەنتى سۋنۋ ۆيدياتموكو مالىمدەدى، دەپ جازادى ت ا س س.

«ەلدىڭ كولىك مينيسترلىگىنىڭ تالابىن ورىنداپ، ءار جانۇياعا ساقتاندىرۋ سوماسىن بەرەمىز»، - دەدى Indonesia AirAsia باسشىسى. وسىعان دەيىن اۋە تاسىمالداۋشى وتەماقى تولەۋدەن باس تارتقانى حابارلانعان.

 2014 - جىلدىڭ 28 - جەلتوقسانىندا AirAsia ۇشاعى يندونەزيالىق سۋرابايا قالاسىنان ۇشقاننان كەيىن شامامەن 40 مينۋت وتكەن سوڭ راداردان جويىلعان. А320-200  بورتىندا 155 جولاۋشى مەن 7 ەكيپاج مۇشەسى بولعان. بۇگىندە قۇتقارۋشىلار QZ 8501 رەيسىنىڭ بورتىندا بولعان 41 ادامنىڭ ءمايىتىن تاپتى.