جەكە قۇرىلىسشىلاردى قولداۋعا 97 ميلليارد تەڭگە بولىنەدى
كەشە اقوردادا وتكەن ۇكىمەتتىڭ كەڭەيتىلگەن وتىرىسىندا ەلباسى نۇرسۇلتان نازاربايەۆ وسىنداي تاپسىرما بەردى.
مەملەكەت باسشىسى تۇرعىن ءۇي قۇرىلىسى دامۋىن ودان ءارى ىنتالاندىرۋ ءۇشىن 2017 -جىلعا ارنالعان «نۇرلى جول» باعدارلاماسىن جۇزەگە اسىرۋعا جوسپارلانعان قارجىنىڭ ءبىر بولىگىن 2016 -جىلعا اۋىستىرۋ ەسەبىنەن 360 ميلليارد تەڭگە ءبولۋدى تاپسىردى. اتالعان قارجىدان 53 ميلليارد تەڭگە «بايتەرەك» حولدينگى ارقىلى جالدامالى باسپانالار قۇرىلىسىن جالعاستىرۋعا، جەرگىلىكتى اتقارۋشى ورگاندار مەن تۇرعىن ءۇي جيناق بانكى ارقىلى سالىمشىلاردى نەسيەلەندىرۋ ءۇشىن 22 ميلليارد تەڭگەنى قوسا العاندا 149 ميلليارد تەڭگە نەسيەلىك تۇرعىن ۇيلەر قۇرىلىسىنا باعىتتالادى. بۇعان قوسا، «سامۇرىق- قازىنا» ا ق ارقىلى قايتارىمدى نەگىزدە 97 ميلليارد تەڭگە جەكە قۇرىلىسشىلاردى قولداۋعا بولىنەتىن بولادى.
مەملەكەت باسشىسى اكىمدىكتەر ارقىلى جاپپاي تۇرعىن ءۇي قۇرىلىسى جۇرگىزىلەتىن جاڭا اۋداندارعا ينفراقۇرىلىم تارتۋ ءۇشىن 61 ميلليارد تەڭگە بولىنەتىندىگىن اتاپ ءوتتى.
«بۇل جۇمىستاردىڭ جاۋاپكەرشىلىگى اتالعان قىزمەتتەر جۇزەگە اسىرىلاتىن اۋداننىڭ ءاربىر اكىمىنە جەكە-جەكە جۇكتەلەتىن بولادى. تۇرعىن ءۇي باعاسى الەۋمەتتىك باعدارلانعان بولۋى تيىستىگىنە ايرىقشا نازار اۋدارتامىن»، - دەدى ن. نازاربايەۆ.
قازاقستان پرەزيدەنتى بۇل شارالار 2016 -جىلى قوسىمشا 1,5 ميلليارد شارشى مەتر باسپانا تۇرعىزۋعا سەپتىگىن تيگىزىپ، ءى ج ءو ءوسىمىن قامتاماسىز ەتەتىندىگىن باسا ايتتى.
اۆتور: مارلان جيەمباي
