س ق و «قازاقستاندا جاسالعان» اكسياسىن ساۋدا ورتالىقتارىنىڭ 97 پايىزى قولدادى - فوتو

پەتروپاۆل. قازاقپارات - سولتۇستىك قازاقستان وبلىسىندا «قازاقستاندا جاسالعان» اكسياسىن ساۋدا ورتالىقتارىنىڭ 97 پايىزى قولدادى. وتاندىق تاۋار وندىرۋشىلەردىڭ ونىمدەرى - پەتروپاۆل ساۋدا ورتالىقتارىندا سورەلەرىنىڭ نەگىزگى تاۋارلارى تۇرلەرى. بۇعان وبلىس اكىمى ەرىك سۇلتانوۆ وبلىس ورتالىعىن ارالاعان كەزىندە كوز جەتكىزدى.

ءوڭىر باسشىسى ەرىك سۇلتانوۆ «كوكتوبە» ساۋدا ۇيىندە بولدى. «قازاقستاندا جاسالعان» اكسياسىنا كاسىپكەر بىردەن قوسىلدى. دۇكەن سورەلەرىندە - وتاندىق وندىرۋشىلەردىڭ تاۋارلارى مول قامتىلعان. ءسۇت، نان، ماكاروندار.. . بۇلار - «سۇلتان»، «زەنچەنكو ك ج». ءسۇت وداعى»، «بايان سۇلۋ»، «سبي- اگرو»، «بوگاتىرسكي پرودۋكت» سياقتى سولتۇستىك قازاقستاندىق برەندتەر جانە باسقا دا كوپتەگەن جەرگىلىكتى ونىمدەر.

ءوڭىر باسشىسى ەرىك سۇلتانوۆ كاسىپكەرلەرمەن اڭگىمەلەسۋ ۇستىندە وتاندىق وندىرۋشىلەردى قولداۋدىڭ ماڭىزىنا باسا كوڭىل ءبولدى. ول جەرگىلىكتى وندىرۋشىلەرمەن اڭگىمەلەستى، سۇرانىستىڭ جايىنا نازار اۋداردى.

بۇدان كەيىن وبلىس باسشىسى «ت س ۋ م» ساۋدا ورتالىعىندا بولىپ، دۇكەن ديرەكتورىنا سورەلەرگە پلاستماسسا بۇيىمدارىن شىعاراتىن «رادۋگا» ج ش س ونىمدەرىن قويۋعا ۇسىنىس جاسادى.

«رادۋگا» بۇگىندە 100 دەن استام ونىمدەر ءتۇرىن شىعارادى. ال ءسىزدىڭ دۇكەن حالىق كوپ جۇرەتىن جەردە ورنالاسقان، بۇل ونىمدەردى حالىققا جەتكىزۋ قاجەت»، - دەدى س ق و اكىمى.