بۋراباي دەمالىس ورنى 96 جىل بۇرىن اشىلدى - فوتو

استانا. قازاقپارات - بۋراباي جەر شوقتىعى اتانعان كورىكتى كوكشەتاۋدىڭ ەڭ ءبىر اسەم، جانعا شيپالى ءوڭىرى.

وسى توڭىرەكتەگى اتاۋلار بۋراباي كولىنىڭ داڭقىمەن كوپكە تانىمال بولعان.

بۋراباي دەمالىس ورنى تۇرعىسىندا 1810-جىلدان ءمالىم بولا باستاعان. 1910-جىلى قىمىزبەن ەمدەۋ-ساۋىقتىرۋ ورنى اشىلعان.

1920-جىلدان مەملەكەتتىك ماڭىزى بار دەمالىس ورنىنا اينالعان. تاۋەلسىز ەل بولعالى، ىرگەسىنە استانا كەلگەلى بۋراباي كولىنىڭ، مۇنداعى دەمالىس ورىندارىنىڭ ماڭىزى بۇرىنعىدان دا ارتا تۇسكەن. جاقسى جول سالىنىپ، دەمالىس ۇيلەرى جاقسارتىلىپ، قىزمەت كورسەتۋ جاعدايى جاقسارتىلعان.

بۋراباي كولى - گەوگرافيالىق اتاۋ بولسا، مۇنداعى ساۋىقتىرۋ ورنى بۋراباي كۋرورتى دەپ اتالادى. مەكەننىڭ تۇرعان جەرى - اقمولا وبلىسىنا قاراستى شورتاندى قالاسىنان 20 شاقىرىمداي قاشىقتىقتاعى بۋراباي كولىنىڭ جاعاسىندا. ابىلاي الاڭى، وقجەتپەس، بۋراباي كەنتى، بۋراباي قورىمى دەپ اتالاتىن تاريحي-مادەني ورىندار بار.

بۋراباي تابيعاتى كوز تارتار سۇلۋلىعىمەن، اۋاسىنىڭ تازالىعىمەن تارتىمدى. بيىك تاۋلار، كوگىلدىر كولدەر، قاراعاي مەن قايىڭ اعاشتارى ولكەنىڭ ءسانىن كىرگىزەدى. ساياباقتا جانۋارلار الەمىنىڭ 305 ءتۇرى بار. ونىڭ 87 ءتۇرى سيرەك كەزدەسەتىن ءيا جويىلۋعا جاقىن.

وسىمدىكتەردىڭ 757 ءتۇرى كەزدەسەدى. ونىڭ 12 ءتۇرى قىزىل كىتاپقا ەنگەن. جايقالعان اعاشتاردىڭ %65 ىن قاراعاي، %31 ىن قايىڭ، %3 ىن كوكتەرەك، %1 ىن بۇتالى وسىمدىكتەر قۇرايدى. تاۋ قىراتتارىنىڭ ۇگىلۋى مەن جەلدىڭ اسەرىنەن بۋرابايدا وقجەتپەس، ۇيقىداعى باتىر، بۇركىت، تۇيە، قۇدىر، سفينكس سياقتى ەرەكشە تاس مۇسىندەر پايدا بولعان.

جەرگىلىكتى تۇرعىندار مەن كەلۋشى تۋريستەر پارك لاندشافىنىڭ عاجايىپ تابيعاتىنا قاراپ، بۇل القاپقا «قازاقستان شۆەيتسارياسى» دەگەن تەڭەۋ بەرەدى. مۇندا ۇگىلۋ مەن جەلدىڭ اسەرىنەن ەرەكشە تاس مۇسىندەر قالىپتاسقان. مىسالى، «وقجەتپەس»، «ۇيقىداعى باتىر»، «بۇركىت»، «تۇيە»، «قۇدىر»، «سفينكس».

فوتو گۇلجان رامانقۇلوۆا

Baq.kz