بريۋسسەلدە سايلاۋشىلاردىڭ 96 پايىزى داۋىس بەردى

بريۋسسەل. قازاقپارات - بريۋسسەلدە ق ر سايلاۋ تۋرالى زاڭناماسىنا سايكەس جەرگىلىكتى ۋاقىت 20.00 دە بەلگياداعى قازاقستان ەلشىلىگى عيماراتىندا ۇيىمداستىرىلعان 191№ ۋچاسكەدە داۋىس بەرۋ اياقتالدى.

كەلۋشىلەر 96 پايىزدى قۇرادى. بۇل تۋرالى بريۋسسەلدەگى 191№ سايلاۋ ۋچاسكەسى كوميسسياسىنىڭ ءتوراعاسى بەرىك ابدۋشيەۆ حابارلادى.

«بريۋسسەل قالاسىندا 191№ ۋچاسكەدە جەرگىلىكتى ۋاقىت 20.00 دە تىركەلگەن سايلاۋشىلاردىڭ 96 پايىزى داۋىس بەرۋگە كەلدى»، - دەدى ول.

بۇدان بۇرىن حابارلانعانداي، 191№ ۋچاسكە سايلاۋ كۇنى بەلگيا، ليۋكسەمبۋرگتە تۇراتىن نەمەسە ۋاقىتشا تۇراتىن قازاقستاندىق سايلاۋشىلاردى قابىلدادى. ولاردىڭ ىشىندە - قازاقستان ديپلوماتتارى، ولاردىڭ وتباسى مۇشەلەرى، قازاقستاندىق ستۋدەنتتەر، دياسپورا جانە بيزنەس وكىلدەرى بار.