ا ي-95 ماركالى بەنزيندى وزبەكستانعا زاڭسىز شىعارماق بولعاندار ۇستالدى

نۇر- سۇلتان. قازاقپارات - قارجىلىق مونيتورينگ اگەنتتىگى پاۆلودار وبلىسى بويىنشا دەپارتامەنتىنىڭ قىزمەتكەرلەرى جەدەل ىزدەستىرۋ ءىس- شارالارى بارىسىندا ا ي-95 ماركالى بەنزيندى ەل اۋماعىنان زاڭسىز اكەتۋ ارەكەتىنىڭ جولىن كەستى، دەپ حابارلايدى قازاقپارات ۆەدومستۆونىڭ باسپا ءسوز قىزمەتىنە سىلتەمە جاساپ.

«كولەمى - 280 توننا، قۇنى - شامامەن 90 ميلليون تەڭگە بولاتىن جانار ماي قۇيىلعان 5 ۆاگون- سيستەرنا ۇستالدى. ولاردى جانار ماي قوسپاسى دەگەن جەلەۋمەن وزبەكستانعا الىپ كەتپەك بولعان.

مامانداردىڭ قورىتىندىسىنا سايكەس، تەمىرجول سيستەرنالارىنان الىنعان سىنامالار ك-4 ەكولوگيالىق كلاسىنداعى ا ي-95 بەنزينى بولىپ شىقتى.

بەلگىلى بولعانداي، كەلىسىم شارت بويىنشا شەتەل كومپانياسىنىڭ پايداسىنا ەلدەن جالپى سوماسى 45 ميلليون دوللارعا 50 مىڭ توننا ەكسپورتتاۋ جوسپارلانعان»، - دەلىنگەن رەسمي حابارلامادا.

تەرگەۋ جالعاسىپ جاتىر. تەرگەۋ مۇددەسىندەگى باسقا اقپارات جاريا ەتىلمەيدى.