استانا حالقىنىڭ 95 پايىزىندا ەلەكتروندى دەنساۋلىق پاسپورتى بار
دەنساۋلىق ساقتاۋ باسقارماسىنىڭ باسشىسى كامالجان نادىروۆتىڭ باسپا ءسوز ءماسليحاتىندا «Smart مەديتسينا» جوباسىنىڭ قالاي جۇزەگە اسىپ جاتقانىن ايتتى.
«جوبا ءساۋىر ايىندا باستالدى، وسى ارالىقتا ءبىز مەديتسينالىق قۇجاتتاردى تسيفرلاندىرۋ بويىنشا كوپ جۇمىس اتقاردىق. استانا حالقىنىڭ جانە قوناقتارىنىڭ %95 نىڭ ەلەكتروندى دەنساۋلىق پاسپورتى بار. وسىلايشا ءبىز ۋاقىت وتە كەلە دارىگەردى قاعازباستىلىقتان قۇتقارامىز. جوبامەن مەديتسينالىق قۇجاتتاردىڭ 70 ءتۇرى تسيفرلاندى. كەي جۋرنالداردى جانە سىرتقات تاريحىن، امبۋلاتورلى كارتالاردى الىپ تاستادىق. بۇل دارىگەرلەردىڭ ناۋقاسقا كوپ كوڭىل بولۋىنە مۇمكىندىك بەردى»، - دەدى قوعامدىق دەنساۋلىق ساقتاۋ باسقارماسىنىڭ باسشىسى.
وسى جوبا اياسىندا ءموبيلدى قوسىمشا ىسكە قوسىلادى، ول ارقىلى ناۋقاس ءوزىنىڭ مالىمەتتەرىن جانە دارىگەردىڭ قابىلداۋىنا جازىلا الادى. ودان بولەك جۋىقتا «جەدەل جاردەم ءۇشىن جاسىل جول» اتى پيلوتتىق جوبا ىسكە قوسىلدى، ول ارقىلى جەدەل جاردەم جۇرگىزۋشىسى شاقىرتۋعا كەشىگىپ بارا جاتسا كولىكتە ورناتىلعان باستىرما ارقىلى باعدارشامنىڭ جاسىل ءتۇسىن قوسا الادى.
«مالىمەت بويىنشا سىرقات جانعا جەتۋ 20-25 پايىزعا قىسقارىپ جاتىر، ياعني ادام ءومىرىن ساقتاپ قالۋدىڭ مۇمكىندىگى ارتا ءتۇستى دەگەن ءسوز»، - دەدى قامالجان نادىروۆ.
«جاسىل جول» - استانا اكىمدىگى مەن دەنساۋلىق ساقتاۋ مينيسترلىگىنىڭ بىرلەسكەن جوباسى.
