قىتاي حالىقارالىق راديوسى «قازاقپاراتتى» 95 جىلدىعىمەن قۇتتىقتادى

استانا- بەيجىڭ. قازاقپارات - قىتاي حالىقارالىق راديوسىنىڭ باس ديرەكتورى ۆان گەننيان «قازاقپارات» باسشىسى داۋرەن دياروۆ پەن اگەنتتىك ۇجىمىن 95 جىلدىق مەرەيتويىمەن قۇتتىقتادى.
None
None

 قۇرمەتتى داۋرەن كەڭەس ۇلى!

«قازاقپارات» حالىقارالىق اقپارات اگەنتتىگى 95 جىلدىق مەرەيتويىن اتاپ ءوتىپ جاتقانىن زور قۋانىشپەن قابىلدادىم. ءسىزدى جانە اگەنتتىكتىڭ بارلىق قىزمەتكەرلەرىن وسى اتاۋلى وقيعامەن قۇتتىقتايمىن! 

عاسىرعا جۋىق تاريحىندا قازاقپارات الەمگە ەۋرازيادا بولعان ەڭ ماڭىزدى ساياسي جانە ەكونوميكالىق وزگەرىستەر تۋرالى حابارلاپ كەلگەن، اسىرەسە 1991 - جىلدان باستاپ ءسىزدىڭ اگەنتتىكتەرىڭىز بۇكىل الەمگە پرەزيدەنت ن. ءا. نازاربايەۆتىڭ باسشىلىعىمەن قازاقستان رەسپۋبليكاسىنىڭ قول جەتكىزگەن تاماشا جەتىستىكتەرى مەن ۇلكەن دارەجەسى تۋرالى وبەكتيۆتى جانە جان- جاقتى جاريالاپ وتىر.

بيىلعى جىلدىڭ ءساۋىر ايىندا مەن قازاقپاراتتىڭ الماتىداعى بولىمشەسىنە باردىم. وسى ساپاردىڭ ارقاسىندا مەن قازاقپاراتتىڭ دامۋ تاريحى، حابار تاراتۋ اۋقىمى جانە حالىقارالىق ىنتىماقتاستىعى تۋرالى ماعلۇمات الدىم. بارلىعىمىز بىلەتىندەي، ق ح ر مەن ق ر - ستراتەگيالىق سەرىكتەستەر، تاراپتار قىتايلىق «جىبەك جولىنىڭ ەكونوميكالىق بەلدەۋىن» قۇرۋ تۇجىرىمداماسى مەن قازاقستاننىڭ «نۇرلى جول» جاڭا باعدارلاماسىن تۇيىستىرۋگە دايىن. وسىعان بايلانىستى قىتايدىڭ حالىقارالىق راديوسى مەن «قازاقپارات» ح ا ا قىزمەتكەرلەر جانە جاڭالىق ونىمدەرىمەن الماسۋ سياقتى سالالاردا ىنتىماقتاستىقتى كەڭەيتىپ، باعدارلامالاردى بىرلەسىپ دايىنداۋعا قاتىسۋى كەرەك. وسىلايشا ءبىز قىتاي مەن قازاقستاننىڭ جان- جاقتى ستراتەگيالىق سەرىكتەستىگىن دامىتۋعا بىرلەسىپ ۇلەس قوسامىز.

«قازاقپارات» حالىقارالىق اقپاراتتىق اگەنتتىگىنە دامۋ جولىندا تولاعاي تابىستار تىلەيمىن!

 قۇرمەتپەن، قىتاي حالىقارالىق راديوسىنىڭ باس ديرەكتورى ۆان گەننيان.

سوڭعى جاڭالىقتار