بيىل 95 مىڭ مۇعالىمنىڭ جالاقىسى 30 پروتسەنتكە وسەدى - ب ع م

None
None
نۇر-سۇلتان. قازاقپارات - اعىمداعى جىلى قىركۇيەك ايىنان باستاپ جاڭارتىلعان ءبىلىم باعدارلاماسى بويىنشا ساباق بەرەتىن 4, 9 جانە 10-سىنىپ مۇعالىمدەرىنىڭ جالاقىسى 30 پروتسەنتكە ارتادى، دەپ حابارلايدى قازاقپارات ءتىلشىسى.

بۇل - قر تۇڭعىش پرەزيدەنتى- ەلباسى نۇرسۇلتان نازاربايەۆتىڭ بىلتىرعى جولداۋى اياسىندا بەرگەن تاپسىرماسى.

ايتا كەتەيىك، وتكەن جىلدىڭ باسىندا ەلباسى نۇرسۇلتان نازاربايەۆ «ءتورتىنشى ونەركاسىپتىك ريەۆوليۋتسيا جاعدايىنداعى دامۋدىڭ جاڭا مۇمكىندىكتەرى» اتتى جولداۋىن جاريالاعان بولاتىن. اتالعان قۇجاتتا تۇڭعىش پرەزيدەنت جاڭارتىلعان ءبىلىم باعدارلاماسىنا كوشكەن مەكتەپ مۇعالىمدەرىنىڭ جالاقىسىن 30 پروتسەنتكە كوتەرۋدى تاپسىرعان بولاتىن. بۇدان بولەك، ۇلتتىق بىلىكتىلىك تەستىنىڭ قورىتىندىسىنا قاراي 50 پروتسەنتكە دەيىنگى ۇستەماقى قاراستىرىلىپ وتىر. وسى شارالارعا رەسپۋبليكالىق بيۋدجەتتەن 67 ميلليارد تەڭگە ءبولىندى.

ق ر ءبىلىم جانە عىلىم مينيسترلىگىنىڭ جوسپارىنا سايكەس، بىلتىر الدىمەن 1، 2، 5 جانە 7-سىنىپ مۇعالىمدەرىنىڭ ايلىعى 30 پروتسەنتكە كوتەرىلدى. ال قىركۇيەكتە 3، 6 جانە 8-سىنىپ ۇستازدارى جالاقىنى ۇستەماقىمەن الا باستادى. بيىل قىركۇيەك ايىنان باستاپ 4، 9 جانە 10-سىنىپ مۇعالىمدەرىنىڭ جالاقىسى كوبەيسە، 2020 -جىلى 11-سىنىپ مۇعالىمدەرىنىڭ اقشاسى وسەدى دەگەن جوسپار بار.

ق ر ءبىلىم جانە عىلىم ۆيتسە-ءمينيسترى بيبىگۇل اسىلوۆانىڭ ايتۋىنشا، وسى ۋاقىتقا

دەيىن 221388 مۇعالىمنىڭ جالاقىسى كوتەرىلدى. بيىل تاعى 95106 مۇعالىمنىڭ ەڭبەكاقىسى 30 پروتسەنتكە ارتادى. ولار - 4, 9 جانە 10-سىنىپ مۇعالىمدەرى.

«وسىلايشا، اعىمداعى جىلى جاڭارتىلعان ءبىلىم باعدارلاماسى ءۇشىن 30 پروتسەنتتىك ۇستەماقىنى الاتىن مەكتەپ مۇعالىمدەرىنىڭ سانى 316494-كە جەتەدى. ەندى، كەلەسى جىلى تاعى 23 مىڭداي (11 -سىنىپ مۇعالىمدەرى - اۆت. ) مۇعالىم بار. سوسىن ۇلتتىق بىلىكتىلىك تەستىن تاپسىرىپ، ەڭبەكاقىنى 50 پروتسەنتكە دەيىن كوتەرۋگە دە مۇمكىندىك بار»، - دەدى ب. اسىلوۆا قازاقپارات تىلشىسىنە بەرگەن سۇحباتىندا.

بۇدان بولەك، Nur Otan پارتياسىنىڭ بيىلعى سەزىندە ق ر تۇڭعىش پرەزيدەنتى- ەلباسى نۇرسۇلتان نازاربايەۆ ايلىعى تومەن بيۋدجەتتىك سالا قىزمەتكەرلەرىنىڭ جالاقىسىن 30 پروتسەنتكە كوتەرۋدى تاپسىرعان بولاتىن. ولاردىڭ ىشىندە ورتا ءبىلىم قىزمەتكەرلەرى دە بار.

«قازىرگى كەزدە ق ر ەڭبەك جانە حالىقتى الەۋمەتتىك قورعاۋ مينيسترلىگى ارنايى كەستەنى جاساپ جاتىر. سوندا ناقتى كوەففيسەنتتەر كورسەتىلەدى. الايدا پروتسەنتتىك كورسەتكىشتەر ءارتۇرلى بولادى. ەندى، وتكەن جىلى مۇعالىمدەردىڭ جالىقىسىن 30 پروتسەنتكە كوتەردىك قوي. ءقازىر ورتاشا ايلىقتىڭ كولەمى 160-190 تەڭگەنىڭ شاماسىندا. ءبىراق بىزدە بالاباقشا تاربيەشىلەرى، مەكتەپ پەن بالاباقشا ديرەكتورلارى بار عوي. وسى ساناتتاعى مامانداردىڭ جالاقىسى كوەففيتسەنتىنە قاراي 30 پروتسەنتكە دەيىن كوتەرىلەدى. سوسىن تەحنيكالىق پەرسونالدىڭ ايلىعى دا كوتەرىلمەك»، - دەپ اتاپ كورسەتتى ب. اسىلوۆا.

سوڭعى جاڭالىقتار